भ्रष्टाचार र गैनकानूनी कार्यबाट कमाएको सम्पत्ति विदेशमा लुकाएको सूचना प्रचण्डसम्म पुग्यो
![](https://i0.wp.com/www.republicadainik.com/wp-content/uploads/2023/12/Puspakamal-dahal.jpg?resize=810%2C454)
काठमाडौं । प्रधानमन्त्री पुष्पकमल दाहाल ‘प्रचण्ड’ले भ्रष्टाचार गरी वा अन्य गैरकानूनी कार्यबाट आर्जन भएको सम्पत्ति विदेश लुकाउने कार्य गरिएको बताएका छन् ।
शनिबार काठमाडौंमा भ्रष्टाचारविरुद्धको अन्तर्राष्ट्रिय दिवस, २०८० को अवसरमा आयोजित कार्यक्रममा दाहालले निजी क्षेत्रमा हुने भ्रष्टाचारलाई कसूरको रूपमा परिभाषित गरी दण्डनीय बनाउन कानूनी व्यवस्था गरिन लागेको बताए ।
उनले भने, ‘भ्रष्टाचार गरी वा अन्य गैरकानूनी कार्यबाट आर्जन गरेको सम्पत्ति विदेशमा लुकाउने, विदेशमा गैरकानूनी रूपमा लगानी गर्ने, अन्तरदेशीय वा संगठित अपराधमा प्रयोग गर्ने जस्ता कार्यले अन्तर्राष्ट्रिय शान्ति र सुरक्षामा खलल पुग्न सक्ने कुरालाई दृष्टिगत गरी संयुक्त राष्ट्रसंघको महासभाले महासन्धि पारित गरेकोले महासन्धिको प्रभावकारी कार्यान्वयनका लागि अन्तर्राष्ट्रिय सहकार्य प्रवर्द्धन गर्नका लागि दिवसको विशेष महत्व छ ।’
नेपालमा महासन्धिको कार्यान्वयनका लागि प्रधानमन्त्री तथा मन्त्रिपरिषदको कार्यालयले सम्पर्क निकायका रूपमा काम गरिरहेको दाहालले बताए ।
‘भ्रष्टाचार लगायत अन्य गैरकानूनी ढंगबाट आर्जित सम्पत्ति विदेशबाट पुन: प्राप्तिका लागि कानूनी र संरचनागत प्रबन्ध तयार गरी कार्यान्वयन गर्ने तयारी हुँदैछ’, उनले भने ।
‘निजी क्षेत्रमा हुने भ्रष्टाचारलाई कसुरको रूपमा परिभाषित गरी दण्डनीय बनाउन कानूनी व्यवस्था गरिँदैछ’, दाहालले भने, ‘बहुआयामिक विषयको रूपमा रहेको भ्रष्टाचारलाई सरकारी, सार्वजनिक, निजी क्षेत्र र नागरिक समाजसँगको सहकार्य र सहयोगमा निवारण गर्ने कार्यमा नेपाल सरकार प्रयत्नशील छ ।’
प्रधानमन्त्री दाहाललाई भ्रष्टाचार र गैनकानूनी कार्यबाट कमाएको सम्पत्ति विदेशमा लुकाएको सूचना रहेछ । दाहालले अब भ्रष्टाचार गरेर आर्जन भएको सम्पत्ति जफत गर्नेतिर ध्यान केन्द्रित गर्नुपर्छ ।
बिचार/ब्लग
![](https://i0.wp.com/www.republicadainik.com/wp-content/uploads/2024/08/Sherbahadur-Deuba-4.jpg?resize=200%2C200)
सभापति देउवाद्वारा मेलमिलाप आयोगको छलफलमा राखिएको मन्तव्य
शेरबहादुर देउवा, सभापति, नेपाली कांग्रेस![](https://i0.wp.com/www.republicadainik.com/wp-content/uploads/2024/08/Kulman-Ghisingh-1.jpg?resize=200%2C200)
कुलमान घिसिङलाई भविष्यमा जेलमा थुन्न परेको जाहेरीको व्यहोरा
रमेशप्रसाद खरेल![](https://i0.wp.com/www.republicadainik.com/wp-content/uploads/2024/08/Swornim-Ravi.jpg?resize=200%2C200)
फेसबुकबाट तपाईको प्रतिक्रिया