प्रधानमन्त्री दाहालले बालुवाटारमा जन्मोत्सव मनाए
![](https://i0.wp.com/www.republicadainik.com/wp-content/uploads/2023/01/Prachand.jpg?resize=810%2C482)
काठमाडौं । नेकपा (माओवादी केन्द्र)का अध्यक्ष समेत रहेका प्रधानमन्त्री पुष्पकमल दाहालले आफ्नो ६९औँ जन्मोत्सव मनाएका छन् ।
मंगलबार प्रधानमन्त्री निवास बालुवाटारमा दाहालले परिवारका सदस्यहरूसँग जन्मोत्सव मनाएको एक सदस्यले बताएका छन् । दाहाल ६९ वर्ष पूरा भई ७० मा टेकेका छन् ।
दाहालको विक्रम संवत् २०११ मंसिर २६ गते कास्कीको तत्कालीन ढिकुरपोखरी गाविस वडा–२ लेवाडेमा जन्म भएको थियो । पिता मुक्तिराम र आमा भवानीका जेठो छोराको रूपमा दाहालले जन्म लिएका हुन् ।
दाहालले आफ्नो प्रारम्भिक शिक्षा कास्कीको ढिकुरपोखरीमा नै लिएका थिए ।
दाहालले विक्रम संवत् २०२६ मा चितवनको नारायणी विद्यामन्दिर माध्यमिक विद्यालय शिवनगरबाट एसएलसी उत्तीर्ण गरेका हुन् । २०२७–२०२९ सम्म पाटन बहुमुखी क्याम्पसबाट आईएससी गरेका थिए ।
उनले विसं २०३१–२०३३ सालमा रामपुर कृषि क्याम्पसबाट कृषिमा बीएस्सी पूरा गरी एमपीएसम्मको अध्ययन गरेका छन् ।
कक्षा १० मा अध्ययनरत हुँदा छविलाल दाहाल नाम परिवर्तन गरी उनले पुष्पकमल दाहाल नामाकरण गरेका थिए ।
बिचार/ब्लग
![](https://i0.wp.com/www.republicadainik.com/wp-content/uploads/2024/08/Sherbahadur-Deuba-4.jpg?resize=200%2C200)
सभापति देउवाद्वारा मेलमिलाप आयोगको छलफलमा राखिएको मन्तव्य
शेरबहादुर देउवा, सभापति, नेपाली कांग्रेस![](https://i0.wp.com/www.republicadainik.com/wp-content/uploads/2024/08/Kulman-Ghisingh-1.jpg?resize=200%2C200)
कुलमान घिसिङलाई भविष्यमा जेलमा थुन्न परेको जाहेरीको व्यहोरा
रमेशप्रसाद खरेल![](https://i0.wp.com/www.republicadainik.com/wp-content/uploads/2024/08/Swornim-Ravi.jpg?resize=200%2C200)
फेसबुकबाट तपाईको प्रतिक्रिया