मन्त्री रोज राणाद्वारा माण्डबीमा खेलकुदको उद्घाटन, आफैले अध्ययन गरेको विद्यालयमा सम्मान
![](https://i0.wp.com/www.republicadainik.com/wp-content/uploads/2024/01/Rose-Rana.jpg?resize=810%2C449)
मार्सीबाङ्ग । लुम्बिनी प्रदेशका उद्योग तथा यातायात व्यवस्थामन्त्री रोज राणाले खेलकुदको क्षेत्रमा हार र जित हुनेभन्दै त्यसलाई स्वभाविक रुपमा लिनुपर्ने बताएका छन् ।
मंगलबार प्यूठानको माण्डपी गाउँपालिकाको मार्सीबाङ्गमा दोस्रो राष्ट्रपति रनिङ शिल्ड प्रतियोगिताको उद्घाटन समारोहलाई सम्बोधन गर्दै मन्त्री राणाले खेलकुदमा हुने हारजितलाई खेलाडीले सहज रुपमा लिएर अगाडि बढ्नुपर्ने बताए । उनले खेलकुदले अनुशासन सिकाउने पनि बताए ।
मन्त्री राणाले आफूले खेलकुदको क्षेत्रमा गर्न सक्ने सहयोग गर्ने आश्वासन दिएका छन् । उनले मार्सीबाङ्गको खेलमैदालाई मर्मत सम्भार गर्नका लागि आवश्यक पर्ने सहयोग गर्ने पनि बताएका छन् ।
यसैबीच, मन्त्री राणाले आफू मन्त्री बनेर आएको धेरै समय नरहेको बताउँदै मन्त्रालयबाट हुने काम छिटोछरितो हुने बताए । उनले प्यूठान जिल्लामा यातायात व्यवस्था मन्त्रालय अन्तर्रागतको सेवा कार्यालय स्थापना गर्ने बताएका छन् ।
मन्त्री राणाले सकेसम्म प्यूठानमा सेवा कार्यालय राख्दा प्यूठान, रोल्पा, पूर्वी रुकुमले पनि सेवा दिन पाउने मन्त्री राणाले बताएका छन् ।
कार्यक्रममा लुम्बिनी प्रदेशका योजना आयोगका उपाध्यक्ष डा.नहकुल केसीले खेलकुदको क्षेत्रमा सरकारले लगानी गर्नै पर्ने बताएका छन् । उनले माण्डपी गाउँपालिकाको खेलप्रतिको लगावको प्रशंसा गर्दै भविष्यमा बजेट निर्माण गर्दा सहयोग गर्ने बताएका छन् ।
यसअघि मन्त्री राणालाई बिजुवारको जनता आदर्श माध्यामिक विद्यालयले स्वागत र सम्मान गरेको थियो । जनता आदर्श माविमा मन्त्री राणाले हाइस्कुलसम्म अध्ययन गरेका थिए ।
विद्यालयपछि मन्त्री राणाले क्याम्पसमा पुगेर सहयोगको आश्वासन दिएका छन् । क्याम्पसका मागहरु लिखित रुपमा दिन पनि आग्रह गरेका छन् ।
![](https://i0.wp.com/www.republicadainik.com/wp-content/uploads/2024/01/416353436_10229155938957345_5011873730575838678_n-1024x768.jpg?resize=1024%2C768&ssl=1)
![](https://i0.wp.com/www.republicadainik.com/wp-content/uploads/2024/01/416333899_10229155938117324_5870552683254842111_n-1024x768.jpg?resize=1024%2C768&ssl=1)
![](https://i0.wp.com/www.republicadainik.com/wp-content/uploads/2024/01/418263059_333415789646319_8547016550167588734_n-577x1024.jpg?resize=577%2C1024&ssl=1)
बिचार/ब्लग
![](https://i0.wp.com/www.republicadainik.com/wp-content/uploads/2024/08/Sherbahadur-Deuba-4.jpg?resize=200%2C200)
सभापति देउवाद्वारा मेलमिलाप आयोगको छलफलमा राखिएको मन्तव्य
शेरबहादुर देउवा, सभापति, नेपाली कांग्रेस![](https://i0.wp.com/www.republicadainik.com/wp-content/uploads/2024/08/Kulman-Ghisingh-1.jpg?resize=200%2C200)
कुलमान घिसिङलाई भविष्यमा जेलमा थुन्न परेको जाहेरीको व्यहोरा
रमेशप्रसाद खरेल![](https://i0.wp.com/www.republicadainik.com/wp-content/uploads/2024/08/Swornim-Ravi.jpg?resize=200%2C200)
फेसबुकबाट तपाईको प्रतिक्रिया