क्यासिनोमा जुवा खेलेर बाहिरिएका टोले गुण्डाहरूबीच खुकुरी हानाहान
![](https://i0.wp.com/www.republicadainik.com/wp-content/uploads/2024/01/Ronal-Kandel.jpg?resize=810%2C492)
काठमाडौं । विराटनगरमा रहेको बिग होटलमा रहेको सम्राट क्यासिनोमा जुवाखेलेर निस्किएका केटाहरूबीच झडप भएको छ ।
विराटनगर महानगरपालिका– ११ मा रहेको क्यासिनोमा जुवा खेलेर निस्किएका नेपाली युवाहरूबीच खुकुरी हानाहान भएको छ ।
शनिबार बिहान साढे १ बजे युवाहरूका बीच खुकुरी हानाहान भएको प्रहरीले जनाएको छ । खुकुरी हानाहानमा विराटनगर उप–महानगरपालिका वडा नं. ११ का ३१ वर्षीय रोनाल कँडेल घाइते भएका छन् । कँडेलको टाउको र देब्रे कानमा चोट लागेको छ ।
घटनामा संलग्न झापाको घैलाडुब्बा घर भई हाल विराटनगर उप–महानगरपालिका वडा नं. ८ मा बस्दै आएका ३८ वर्षीय विक्रम थपलिया पक्राउ परेको मोरङ प्रहरीका प्रवक्ता (डीएसपी) रन्जनकुमार दाहालले बताएका छन् ।
क्यासिनोभित्र विवाद गर्न थालेपछि युवाहरूको समूहलाई बाउन्सरले बाहिर निकालेका थिए । बाहिर निकाल्नसाथ क्यासिनो परिसरमै युवाहरुबीच खुकुरी र हेल्मेट हानाहान भएको थियो ।
घाइते कँडेल र पक्राउ परेका थपलियाका साथी हुन् । दुवै जना अपराधिक पृष्ठभूमिका हुन् ।
सट्टेबाजीमा हारेको पैसा असुल्न विराटनगरका ‘पिन्टु’ भनिने सञ्जय सिंहलाई अपहरण गरेर बन्धक बनाउँदै कुटपिट गरेको आरोपमा २०७७ सालमा कँडेललाई प्रहरीले पक्राउ गरेको थियो ।
थपलियामाथि मिटरब्याजीको आरोप छ । उनी अपहरण तथा शरीर बन्धक मुद्दामा कैद सजाय भुक्तान गरेर छुटेका अपराधिक पृष्ठभूमिका अभिषेक गिरी निकट हुन् । गिरीको नाम जोडेर थपलियाले व्यापारीहरूसँग फिरौती माग्ने गरेको आरोप पनि छ ।
जुवा खेल्ने क्रममा पैसा जित र हारको विषयलाई कँडेल र थपलियाबीच विवाद भएको प्रहरीले जनाएको छ ।
क्यासिनोमा जुवा खेल्न सँगै गएका किरण लिम्बूमाथि थपलियाले खुकुरी प्रहार गरेका थिए । थपलियाले प्रहार गरेको खुकुरीलाई लिम्बूले छलेका थिए ।
बिचार/ब्लग
![](https://i0.wp.com/www.republicadainik.com/wp-content/uploads/2024/08/Sherbahadur-Deuba-4.jpg?resize=200%2C200)
सभापति देउवाद्वारा मेलमिलाप आयोगको छलफलमा राखिएको मन्तव्य
शेरबहादुर देउवा, सभापति, नेपाली कांग्रेस![](https://i0.wp.com/www.republicadainik.com/wp-content/uploads/2024/08/Kulman-Ghisingh-1.jpg?resize=200%2C200)
कुलमान घिसिङलाई भविष्यमा जेलमा थुन्न परेको जाहेरीको व्यहोरा
रमेशप्रसाद खरेल![](https://i0.wp.com/www.republicadainik.com/wp-content/uploads/2024/08/Swornim-Ravi.jpg?resize=200%2C200)
फेसबुकबाट तपाईको प्रतिक्रिया