माघी पर्वका अवसरमा लुम्बिनीका स्वास्थ्यमन्त्री खनालद्वारा शुभकामना व्यक्त
![](https://i0.wp.com/www.republicadainik.com/wp-content/uploads/2023/10/Raju-Khanal-2.jpg?resize=810%2C510)
देउखुरी । लुम्बिनी प्रदेशका स्वास्थ्यमन्त्री राजु खनालले नेपालका प्रत्येक जातजाति र धर्मावलम्बीका मौलिक चाडपर्वले एकआपसमा एकता तथा सद्भाव स्थापित गर्न महत्वपूर्ण भूमिका खेल्ने बताएका छन् ।
सोमबार मकर सक्रान्ति एवम् माघी पर्वको अवसरमा शुभकामना सन्देश दिँदै मन्त्री खनालले आ–आफ्नै सांस्कृतिक महत्व बोकेका चाडपर्वले नेपालको विविधतामा सांस्कृतिक एकता कायम गरेको बताएका छन् ।
‘माघी पर्वबाट मौलिक सांस्कृतिक परम्पराहरूको संरक्षण र संवर्धन गर्न तथा विविध भौगोलिक क्षेत्र, जातजाति, भाषा र संस्कृतिका नेपालीबीच आपसी एकता, मित्रता, सहयोग र सद्भाव अभिवृद्धि गरी बृहत् प्रादेशिक एवं राष्ट्रिय एकतालाई थप सुदृढ पार्न मद्दत पुगोस् भन्ने हार्दिक शुभ कामना गर्दछु’, उनले भने ।
माघी पर्वलाई थारू समुदायले नयाँ वर्ष र सबैभन्दा ठूलो पर्वको रूपमा मनाउँदै आएको छ ।
मगर, गुरूङ्ग, ब्राहमण, क्षेत्री लगायतका समुदायमा पनि यस पर्वको छुट्टै महत्व रहेको उल्लेख गर्दै नेपाली कांग्रेस लुम्बिनी प्रदेशका उप–सभापति समेत रहेका स्वास्थ्यमन्त्री खनालले माघी पर्वको छुट्टै मौलिक पहिचान रहेको बताएका छन् ।
मन्त्री खनालले नेपालका विभिन्न जातजाति तथा समुदायहरूद्वारा मनाइने माघे संक्रान्ति एवम् माघी पर्वको सुखद् अवसरमा सम्पूर्ण लुम्बिनी प्रदेशवासी एवं सम्पूर्ण नेपाली दिदीबहिनी तथा दाजुभाइहरूमा सुख, शान्ति, समृद्धि, आरोग्य र प्रगतिका लागि शुभकामना व्यक्त गरेका छन् ।
बिचार/ब्लग
![](https://i0.wp.com/www.republicadainik.com/wp-content/uploads/2024/08/Sherbahadur-Deuba-4.jpg?resize=200%2C200)
सभापति देउवाद्वारा मेलमिलाप आयोगको छलफलमा राखिएको मन्तव्य
शेरबहादुर देउवा, सभापति, नेपाली कांग्रेस![](https://i0.wp.com/www.republicadainik.com/wp-content/uploads/2024/08/Kulman-Ghisingh-1.jpg?resize=200%2C200)
कुलमान घिसिङलाई भविष्यमा जेलमा थुन्न परेको जाहेरीको व्यहोरा
रमेशप्रसाद खरेल![](https://i0.wp.com/www.republicadainik.com/wp-content/uploads/2024/08/Swornim-Ravi.jpg?resize=200%2C200)
फेसबुकबाट तपाईको प्रतिक्रिया