अपशब्द बोलेपछि महानिर्देशक अधिकारीले भण्डै कुटाइ खाए, सुनिल-विकल काण्डपछि डरले थुरुरु
![](https://i0.wp.com/www.republicadainik.com/wp-content/uploads/2022/09/Pradeep-Adhikari-1.jpg?resize=810%2C491)
काठमाडौं । करोडौंको घोटालामा सुनिल पौडेल र विकल पौडेल पक्राउ परेपछि भ्रष्ट र बिचौलियाहरुको सातोपुत्लो उडेको छ ।
अख्तियार दुरुपयोग अनुसन्धान आयोगले नेपाल टेलिकमको प्राविधिक सामग्री खरिद प्रकरणमा अनुसन्धान गरेर सुनिल र विकललाई पक्राउ गरेपछि विभिन्न घोटालाहरुमा संलग्न रहेका भ्रष्टहरु डराएका छन् । सुनिल र विकलको अमेरिकामा रहेको खातामा करोडौं रुपियाँ फेला परेका छन् ।
यता, अख्तियारले नेपाल नागरिक उड्डय प्राधिकरणभित्रको अनियमितता र भ्रष्टाचारका विषयमा परेका उजुरीहरुमाथि छानविन गरिरहेको छ । प्राधिकरणका महानिर्देशक प्रदीप अधिकारीविरुद्ध अख्तियारमा उजुरीहरु परेका छन् । अख्तियारले महानिर्देशक अधिकारीविरुद्धका फाइलहरुमा अध्ययन र अनुसन्धान गरिरहेको स्रोतले जनाएको छ ।
अख्तियारले सुनिल र विकललाई भ्रष्टाचार काण्डमा पक्राउ गरेर अनुसन्धान अगाडि बढाएपछि प्राधिकरणका महानिर्देशक अधिकारी पनि तर्सिएको चर्चा प्राधिकरणमा छ । आरोप लगाउनेहरुले प्राधिकरणमा महानिर्देशक अधिकारीले निकै ठूलो घोटाला गरेर विदेशी बैंकमा पैसा राखेको आरोपसहित अख्तियारमा उजुरीहरु दिएका छन् । अधिकारीले आफन्तको नाममा टन्नै जग्गा किनेको हल्ला पनि प्राधिकरणभित्र छ ।
अधिकारीको सम्पत्ति छानविनको माग पनि उठ्दै आएको छ । महानिर्देशक अधिकारीले ३ वटा अन्तर्राष्ट्रिय विमानस्थल ठेक्कामा दिने गरेर तयारी गरेका छन् । अर्बौं रकम खर्च गरेर बनेका पोखरा र भैरहवा अन्तर्राष्ट्रिय विमानस्थलहरु ठूलो घाटामा छन् । अधिकारीले त्यस बेला दुबै विमानस्थल बनाउने आयोजना प्रमुख थिए ।
यता, बाराको निजगढ विमानस्थल पनि बनाउनुपर्छ भनेर महानिर्देशक अधिकारी लागेका छन् । दुई वटा विमानस्थल घाटामा चलेका छन् । अर्बौं रुपियाँ नोक्सानी भएका छन् । यस्तो अवस्थामा निजगढ विमानस्थल पनि बनाउनुपर्छ भनेर महानिर्देशक अधिकारी किन लागेका हुन् प्रश्न उठेको छ । महानिर्देशक अधिकारी भारतीय व्यापारी अडानी ग्रुपका अनिल पटानीसंग सम्पर्कमा छन् ।
पोखरा र भैरहवा विमानस्थल तथा निजगढ विमानस्थल बनाउने क्रममा अडानी ग्रुपको नेपालको सीईओ आफूलाई बनाउनु पर्ने माग अधिकारीको रहेको स्रोतको भनाइ छ । महानिर्देशक अधिकारी चीन निकट मानिन्छन् । उनले पोखरा विमानस्थलमा चिनियाँहरुलाई ल्याएर ठूलो तामझाम गरेका थिए । चिनियाँहरुले पनि पछिल्लो समय महानिर्देशक अधिकारीलाई रुचाउन छाडेका छन् ।
महानिर्देशक अधिकारी र विवादित व्यापारी दीपक मलहोत्राबीच पछिल्लो समय हिमचिम निकै बढेको छ । अधिकारीले मलहोत्रालाई अडानी ग्रुपसंग कुरा गर्न र कमिशन मिलाउने जिम्मा दिएको प्राधिकरण निकट उच्च स्रोतले जनाएको छ ।
यसैबीच, प्राधिकरणको कार्यालयमा अपशब्द बोलेर गाली गर्दा एकजना सुरक्षा गार्डले महानिर्देशक अधिकारीलाई झण्डै चोकमा झापड हानेको प्रत्यक्षदर्शीले बताएको छ । गार्डले महानिर्देशक अधिकारीलाई झापड हान्न खोजेपछि अरुले रोकेर सम्झाएका थिए ।
अरुले रोकेका बेला महानिर्देशक अधिकारी भागेको चर्चा प्राधिकरणभित्र छ । महानिर्देशक अधिकारीले अपशब्द बोलेर कर्मचारीहरुलाई हैरान बनाएको आरोप छ ।
बिचार/ब्लग
![](https://i0.wp.com/www.republicadainik.com/wp-content/uploads/2024/08/Sherbahadur-Deuba-4.jpg?resize=200%2C200)
सभापति देउवाद्वारा मेलमिलाप आयोगको छलफलमा राखिएको मन्तव्य
शेरबहादुर देउवा, सभापति, नेपाली कांग्रेस![](https://i0.wp.com/www.republicadainik.com/wp-content/uploads/2024/08/Kulman-Ghisingh-1.jpg?resize=200%2C200)
कुलमान घिसिङलाई भविष्यमा जेलमा थुन्न परेको जाहेरीको व्यहोरा
रमेशप्रसाद खरेल![](https://i0.wp.com/www.republicadainik.com/wp-content/uploads/2024/08/Swornim-Ravi.jpg?resize=200%2C200)
फेसबुकबाट तपाईको प्रतिक्रिया