ठमेलबाट सुन काण्डका नाइकेको होटलमा १३ लाखसहित ११ जना पक्राउ
![](https://i0.wp.com/www.republicadainik.com/wp-content/uploads/2024/01/arrested-from-hotel-viaana-.jpg?resize=810%2C413)
काठमाडौं । प्रहरीले काठमाडौंको ठमलेमा रहेको होटल भियानाबाट जुवातास खेलिरहेको अवस्थामा ११ जनालाई पक्राउ गरेको छ ।
काठमाडौं महानगरपालिका–२६ ठमेल, ज्याठास्थित होटल भियानामा जुवातास खेलिरहेको अवस्थामा रोल्पा घर भएका ३६ वर्षीय लीला डाँगी समेत ११ जनालाई सोमबार राति प्रहरीले पक्राउ गरेको विज्ञप्तिमार्फत जनाएको छ ।
डाँगीले होटलको कोठा नम्बर ६१२ भाडामा लिई जुवा खेलाइरहेको भन्ने सूचनाको आधारमा प्रहरी छापामारेको थियो । प्रहरी टोलीले उनीहरूलाई नगद १३ लाख ६२ हजार ५ सय रूपियाँ र ४ बुक ताससहित पक्राउ गरेको छ ।
होटल भियाना ६१ किलो सुनकाण्डमा मुछिएका दावा छिरिङ र उनकी पत्नी अमला रोकाको होटल हो । होटल भियाना निकै बदनाममा पर्छ ।
पक्राउ पर्नेमा काठमाडौंको जोरपाटीका अरुण घिमिरे, काभ्रेका हरिबोल खनाल, किशोर अधिकारी, चितवनका दीपक गुरुङ, नुवाकोटका कृष्णबहादुर राई, राजु पन्त, शंकर शाही, रुपन्देहीका घनश्याम शर्मा, रोल्पाका लीला डाँगी, बाँकेका मेद्दनाथ बुचबन्दिया र गोरखाका अर्जुन गुरुङ रहेका छन् ।
पक्राउ परेकाहरुमाथि जुवा ऐन अनुसार कारबाही प्रक्रिया अघि बढ्नेछ । होटल भियानाका सञ्चालक दावा अहिले पुर्पक्षका लागि थुनामा छन् । उनकी पत्नी अमला रोका फरार छिन् ।
![](https://i0.wp.com/www.republicadainik.com/wp-content/uploads/2024/01/arrested-from-hotel-viaana-juwa.jpg?resize=890%2C630&ssl=1)
बिचार/ब्लग
![](https://i0.wp.com/www.republicadainik.com/wp-content/uploads/2024/08/Sherbahadur-Deuba-4.jpg?resize=200%2C200)
सभापति देउवाद्वारा मेलमिलाप आयोगको छलफलमा राखिएको मन्तव्य
शेरबहादुर देउवा, सभापति, नेपाली कांग्रेस![](https://i0.wp.com/www.republicadainik.com/wp-content/uploads/2024/08/Kulman-Ghisingh-1.jpg?resize=200%2C200)
कुलमान घिसिङलाई भविष्यमा जेलमा थुन्न परेको जाहेरीको व्यहोरा
रमेशप्रसाद खरेल![](https://i0.wp.com/www.republicadainik.com/wp-content/uploads/2024/08/Swornim-Ravi.jpg?resize=200%2C200)
फेसबुकबाट तपाईको प्रतिक्रिया