सीआईबीद्वारा काभ्रेका रामभक्त थापा कोटेश्वरबाट पक्राउ
![](https://i0.wp.com/www.republicadainik.com/wp-content/uploads/2024/02/Rambhakta-Thapa.jpg?resize=810%2C494)
काठमाडौं । नेपाल प्रहरीको केन्द्रीय अनुसन्धान व्यूरो (सीआईबी)ले बैंकिङ कसूर मुद्दाका फरार प्रतिवादी ६७ वर्षीय रामभक्त थापालाई पक्राउ गरेको छ ।
काभ्रेको पनौती नगरपालिका–६ ठेगाना भएका थापालाई सीआईबीको टोलीले शुक्रबार पक्राउ गरेको विज्ञप्तिमार्फत जनाएको छ ।
पुनरावेदन अदालत पाटनको २०७१ वैशाख २९ गतेको फैसलाले बैंकिङ कसूर मुद्दामा ३ वर्ष कैद र ९ करोड ७ लाख ६ हजार ३ सय ७८ रूपियाँ ७४ पैसा विगो बमोजिम जरिवाना ठहर भएको थियो ।
अदालतबाट कैद र जरिवाना भएपछि फरार रहेका थापालाई केन्द्रीय अनुसन्धान व्यूरो लाजिम्पाटबाट खटिएको प्रहरीले काठमाडौं कोटेश्वरबाट पक्राउ गरेको हो ।
क्यापिटल मर्चेन्ट तथा फाइनान्स कम्पनी लिमिटेडका पदाधिकारी र कर्मचारीहरूलाई प्रभावमा पारी थापाले आफै संचालक रहेको काभ्रे ब्रोइलर सप्लायर्स नामक प्राइभेट फर्मको फर्जी कागजातहरू तयार गरी ८ करोड ५० लाख रूपियाँ कर्जा लिएका थिए ।
सो कर्जा दुरूपयोग गरी फाइनान्स कम्पनी लिमिटेडलाई विगो बराबर हानी नोक्सानी पुर्याएको भन्ने बैंकिङ कसूर मुद्दामा अदालतले थापाउपर कैद र जरिवाना फैसला गरेको थियो ।
बिचार/ब्लग
![](https://i0.wp.com/www.republicadainik.com/wp-content/uploads/2024/08/Sherbahadur-Deuba-4.jpg?resize=200%2C200)
सभापति देउवाद्वारा मेलमिलाप आयोगको छलफलमा राखिएको मन्तव्य
शेरबहादुर देउवा, सभापति, नेपाली कांग्रेस![](https://i0.wp.com/www.republicadainik.com/wp-content/uploads/2024/08/Kulman-Ghisingh-1.jpg?resize=200%2C200)
कुलमान घिसिङलाई भविष्यमा जेलमा थुन्न परेको जाहेरीको व्यहोरा
रमेशप्रसाद खरेल![](https://i0.wp.com/www.republicadainik.com/wp-content/uploads/2024/08/Swornim-Ravi.jpg?resize=200%2C200)
फेसबुकबाट तपाईको प्रतिक्रिया