कुवेतलाई हराउँदै नेपाली महिला क्रिकेट टिमले मलेसियाबाट नाम चम्कायो
![](https://i0.wp.com/www.republicadainik.com/wp-content/uploads/2024/02/Nepali-Women-Cricket-Team.jpg?resize=810%2C443)
काठमाडौं । नेपाली राष्ट्रिय महिला क्रिकेट टिम एसीसी महिला प्रिमियर कपको सेमिफाइनलमा प्रवेश गरेको छ ।
बुधबार मलेसियामा भएको क्वार्टरफाइनलमा कुवेतविरुद्व नेपाली टिमले डकवर्थ लेविस पद्धति (डीएलएस) अनुसार जित निकालेको हो ।
कुवेतले निर्धारित २० ओभरमा ९ विकेट गुमाएर ७३ रन बनायो । ७४ रनको विजयी लक्ष्यसहित मैदान उत्रिएको नेपालले ब्याटिङ गरिरहँदा पानी परेको थियो ।
डीएलएस पद्दतिअनुसार १२ ओभरमा ५० रनको लक्ष्य नेपालले ६.५ ओभरमा दुई विकेट गुमाएर भेट्टायो ।
नेपालको जितमा कप्तान ईन्दु वर्मा २२ रनमा अविजित रहिन् । ईन्दुले २१ बलमा एक चौका प्रहार गरिन् ।
सीता रानामगरले १७ रन थप्दा कविता जोशी चार रनमा अविजित रहिन् । कुवेतका मर्यम ओमारले एक विकेट लिइन् ।
त्यसअघि कुवेतका लागि प्रियादा मुरालीले २९ रन बनाइन् । बालासुब्रमनी सान्ती र खाजिदा खालिलले समान १३ रन थपे । अन्यले भने दोहोरो अंकमा रन जोड्न सकेनन् ।
नेपालकी सीता रानामगरले तीन विकेट लिइन् । चार ओभर बलिङ गरेकी सीताले ११ रनमात्र खर्चिइन् । रुविना क्षेत्री र कविता कुँवरले समान दुई विकेट लिए ।
अब नेपालले फाइनल प्रवेशका लागि घरेलु टिम मलेसियासँग खेल्नेछ । यी दुई टिमबीचको खेल शुक्रबार हुनेछ ।
![](https://i0.wp.com/www.republicadainik.com/wp-content/uploads/2024/02/GGSKgwSWoAAC5Vo-869x1024.jpeg?resize=869%2C1024&ssl=1)
बिचार/ब्लग
![](https://i0.wp.com/www.republicadainik.com/wp-content/uploads/2024/08/Sherbahadur-Deuba-4.jpg?resize=200%2C200)
सभापति देउवाद्वारा मेलमिलाप आयोगको छलफलमा राखिएको मन्तव्य
शेरबहादुर देउवा, सभापति, नेपाली कांग्रेस![](https://i0.wp.com/www.republicadainik.com/wp-content/uploads/2024/08/Kulman-Ghisingh-1.jpg?resize=200%2C200)
कुलमान घिसिङलाई भविष्यमा जेलमा थुन्न परेको जाहेरीको व्यहोरा
रमेशप्रसाद खरेल![](https://i0.wp.com/www.republicadainik.com/wp-content/uploads/2024/08/Swornim-Ravi.jpg?resize=200%2C200)
फेसबुकबाट तपाईको प्रतिक्रिया