काठमाडौं । नेपाली कांग्रेसका नेता डा. शशांक कोइरालाले आउँदो निर्वाचनमा एकमत भएर गए कांग्रेसलाई कसैले पराजित गर्न नसक्ने बताएका छन् ।

शनिबार काठमाडौंमा महासमिति सदस्यहरुको स्वागतमा आयोजित चियापन तथा अन्तरक्रिया कार्यक्रममा उनले मिलेर नेताहरु जाने हो भने कांग्रेसलाई हराउन कसैले नसक्ने बताए ।

डा.कोइरालाले कांग्रेसलाई अझ मलजल गरेर सर्वश्रेष्ठ पार्टीको रूपमा अघि बढाउन आवश्यक रहेको बताएका छन् । उनले आउँदो निर्वाचनमा पार्टी उत्साह र उमङ्गका साथ अघि बढ्ने बताएका छन् ।

डा.कोइरालाले भने, ‘नेपाली कांग्रेस सर्वश्रेष्ठ पार्टीको रूपमा अझ मलजल गरेर सर्वश्रेष्ठ पार्टी बनाउनुपर्छ । उमङ्ग र उत्साहका साथ जानुपर्छ, भविष्य हाम्रो हो ।’

‘कांग्रेस पार्टीको भविष्य हो । काँग्रेस एक ढिक्का भयो भने कांग्रेसलाई कसैले पराजित गर्न सक्दैन । हामी छौँ । एकसाथ जान्छौँ’, डा.कोइरालाले भने, ‘हामी कसरी अघि बढ्ने त्यो नै हाम्रो ध्येय हो ।’

नेता डा.कोइरालाले भने, ‘नेपाली कांग्रेसले आउँदो निर्वाचनमा एकमत भएर अघि बढौँ । हामीलाई कसैले हराउन सक्दैन ।’