रवि लामिछानेका तत्कालीन पार्टनरलाई पक्राउ गर्न रेड नोटिस
![](https://i0.wp.com/www.republicadainik.com/wp-content/uploads/2024/02/Rabi-Lamichhane-GB-Rai.jpg?resize=810%2C510)
काठमाडौं । फरार रहेका सूर्यदर्शन सहकारीको संस्थापक अध्यक्ष गितेन्द्रबावु राई(जीबी)विरुद्ध रेड नोटिस जारी भएको छ ।
अन्तर्राष्ट्रिय प्रहरी संगठन ईन्टरपोलबाट राईविरुद्ध रेड नोटिस जारी भएको छ । माघ १३ गते राईविरुद्ध डिफ्युजन नोटिस जारी भएको छ ।
राईलाई सहकारीका बचतकर्ताले जम्मा गरेको रकम हिनामिना गरेको आरोप छ । राई ग्यालेक्सी फोरके टेलिभिजनका अध्यक्ष र मालिक हुन् । राईको टेलिभिजनमा राष्ट्रिय स्वतन्त्र पार्टीका सभापति रवि लामिछाने पनि तत्कालीन पार्टनर हुन् । लामिछाने पनि सहकारी काण्डमा मुछिएका छन् ।
डिफ्युजन नोटिशको आधारमा राई मलेशियामा लोकेट भएका छन् । मलेशियाबाट पक्राउ गरेर नेपाल ल्याउन नेपाल प्रहरीका नेशनल सेन्ट्रल व्यूरो (एनसिबी)ले रेड नोटिस जारी गर्न इन्टरपोल महासचिवालयलाई पत्राचार गरेको थियो ।
प्रहरीले राईसहित १९ जनालाई पक्राउ पुर्जी जारी गरेको थियो । तीमध्ये १५ जना फरार छन् ।
बचतकर्ताको १ अर्ब ११ करोड ३४ लाख ४३ हजार ४५ रुपियाँ हिनामिना गरेको जाहेरीमा उल्लेख छ । उनीहरुलाई सहकारी ऐन अनुसार बिगो बराबरको जरिवाना र ८ देखि १० वर्ष कैद सजायको माग गरिएको छ ।
सूर्यदर्शनबाट जीबी राई समूहले नक्कली सेयर सदस्य र विभिन्न कम्पनी कडा गरेर पैसा निकालेर अपचलन गरेको प्रहरीले बुझाएको प्रतिवेदनमा उल्लेख छ ।
राईले सहकारी समस्याग्रस्त भएपछि बाजेको सेकुवाका संचालक चेतन भण्डारी र भेपदेखि मल तस्करमा मुछिएका पवनकुमार साहको कम्पनी चेनी क्यापिटललाई ललितपुरको भैसेपाटीस्थित २३ रोपनी ७ आना जग्गा बिक्री गरेका छन् । जुन जग्गा बचतकर्ताको रकम अपचलन गरी जीबीले खरिद गरेका थिए ।
बिचार/ब्लग
![](https://i0.wp.com/www.republicadainik.com/wp-content/uploads/2024/08/Sherbahadur-Deuba-4.jpg?resize=200%2C200)
सभापति देउवाद्वारा मेलमिलाप आयोगको छलफलमा राखिएको मन्तव्य
शेरबहादुर देउवा, सभापति, नेपाली कांग्रेस![](https://i0.wp.com/www.republicadainik.com/wp-content/uploads/2024/08/Kulman-Ghisingh-1.jpg?resize=200%2C200)
कुलमान घिसिङलाई भविष्यमा जेलमा थुन्न परेको जाहेरीको व्यहोरा
रमेशप्रसाद खरेल![](https://i0.wp.com/www.republicadainik.com/wp-content/uploads/2024/08/Swornim-Ravi.jpg?resize=200%2C200)
फेसबुकबाट तपाईको प्रतिक्रिया