इलामको उप-चुनाव कांग्रेसलाई जिताउन आजैदेखि लाग्नुस्, नयाँ जोगीले धेरै खरानी लगाउँछन् : खतिवडा
![](https://i0.wp.com/www.republicadainik.com/wp-content/uploads/2024/03/Ramhari-Khatiwada-8.jpg?resize=810%2C490)
पाँचथर । नेपाली कांग्रेसका नेता समेत रहेका राज्य व्यवस्था तथा सुशासन समितिका सभापति रामहरि खतिवडाले भारत भ्रमणका बेला प्रधानमन्त्री पुष्पकमल दाहाल ‘प्रचण्ड’ले गेरुवस्त्र लगाएको कुरा स्मरण गराइदिएका छन् ।
शनिबार पाँचथरमा नेपाली कांग्रेसले आयोजना गरेको कार्यक्रममा नेता खतिवडाले कांग्रेसको महासमितिको बैठकमा धर्मको स्टल राखेको विषयमा गठबन्धन तोडेको कुरा गर्न नसुहाउने बताए । उनले भने, ‘धर्मको स्टलनै थापेको भनेर गठबन्धन तोडेको भन्ने प्रधानमन्त्रीले भारत जाँदा गेरुवस्त्र लगाएर मन्दिरमा आफू पुगेको बिर्सनु हुँदैन ।’
नेता खतिवडाले नयाँ भनिएको पार्टीहरू सबै कुरामा र स्टण्डमा रमाउने मात्र रहेको बताएका छन् । नयाँ पार्टीको हुती देखिएको बताउँदै उनले नयाँ पार्टीले अरु केही नगर्ने बताए ।
सभापति खतिवडाले भने, ‘नयाँ जोगिहरू खरानी धेरै घस्ने मात्र हुन् । अरु केही गर्ने हुती छैन ।’
कांग्रेसले २००७, ०१५, ४६ र ०६२/०६३ सालको सम्पूर्ण आन्दोलनको नेतृत्व गरेर देशलाई संविधान बनाएर दिएको उनले बताए ।
कांग्रेसले स्थानीय तहको स्थापना गरेर गाउँगाउँमा स्थानीय सरकार समेत दिएको उनले बताएका छन् ।
नेता खतिवडाले कांग्रेसको संगठनको मुख्य जग स्थानीय तह भएको बताए । उनले प्रत्यक वडा, टोल र घर बलियो बनाउन समेत नेता तथा कार्यकर्ताहरूलाई आग्रह गरेका छन् ।
अबको केही समयपछि इलाममा उपनिर्वाचन हुने भएकोले प्रत्येकले आफन्तलाई फोन गरेर, भेटेर जे–जे गरेर हुन्छ कांग्रेसलाई चुनाव जिताउन अनुरोध गरेका छन् ।
आफन्तलाई भनेर कांग्रेसको चुनाव चिन्ह रुखमा भोट हाल्न लगाएर कांग्रेसको उम्मेदवारलाई विजयी बनाउनुपर्ने सभापति खतिवडाले बताए ।
कार्यक्रममा कांग्रेसका नेता डा.शशांक कोइराला, सह–महामन्त्री भीष्मराज आङ्दम्बे लगायतका नेता कार्यकर्ताको उपस्थिति रहेको थियो ।
बिचार/ब्लग
![](https://i0.wp.com/www.republicadainik.com/wp-content/uploads/2024/08/Sherbahadur-Deuba-4.jpg?resize=200%2C200)
सभापति देउवाद्वारा मेलमिलाप आयोगको छलफलमा राखिएको मन्तव्य
शेरबहादुर देउवा, सभापति, नेपाली कांग्रेस![](https://i0.wp.com/www.republicadainik.com/wp-content/uploads/2024/08/Kulman-Ghisingh-1.jpg?resize=200%2C200)
कुलमान घिसिङलाई भविष्यमा जेलमा थुन्न परेको जाहेरीको व्यहोरा
रमेशप्रसाद खरेल![](https://i0.wp.com/www.republicadainik.com/wp-content/uploads/2024/08/Swornim-Ravi.jpg?resize=200%2C200)
फेसबुकबाट तपाईको प्रतिक्रिया