गृहमन्त्री लामिछानेप्रति लक्षित गरेर केसीले भने, ‘सहकारी ठगलाई सरकारको संरक्षण’
![](https://i0.wp.com/www.republicadainik.com/wp-content/uploads/2024/03/Arjunnarsingh-Kc.jpg?resize=810%2C510)
काठमाडौं । नेपाली कांग्रेसका नेता अर्जुननरसिंह केसीले सहकारी र लघुवित्तको रकम ठगी गर्नेहरूलाई सरकारले संरक्षण गरिरहेको बताएका छन् ।
शनिबार काठमाडौंमा आयोजति कार्यक्रममा केसीले अहिले देशव्यापी रुपमा सहकारी र लघुवित्त ठगी खाने भाँडो भएको बताए ।
गृहमन्त्री रवि लामिछाने सहकारीको करोडौं रकम ठगी प्रकरणमा मुछिदा पनि कारबाही हुन सकेको छैन । कांग्रेसले लामिछानेबाट सहकारीको करोडौं रकम अपचलन भएको विषयमा संसदीय छानविन समितिको माग गर्दै आएको छ ।
राष्ट्रिय परिस्थिति दिनप्रतिदिन चुनौतितर्फ अघि बढिरहेको कांग्रेस नेता केसीले बताएका छन् ।
उनले जनतामा निराशा र असन्तुष्टि आइरहेको भन्दै बिस्तारै समाज विद्रोह र अराजकतातिर उन्मुख भइरहेको बताए ।
केसीले भने, ‘अहिले देशव्यापी रुपबाट सहकारी र लघुवित्त ठगी खाने भाँडो भएको छ । राज्य त्यसलाई संरक्षण गर्ने, कारबाही भन्दा संरक्षण गर्नेतिर लागेको छ ।’
‘यो किसिमको परिस्थितिमा यो संस्था, जुन संस्थामा हामी सबै आवद्ध छौँ’, केसीले भने, ‘यसलाई एकदम निष्कलंक बनाउँदै एउटा लक्ष्यमा पुग्नुपर्छ ।’
बिचार/ब्लग
![](https://i0.wp.com/www.republicadainik.com/wp-content/uploads/2024/08/Sherbahadur-Deuba-4.jpg?resize=200%2C200)
सभापति देउवाद्वारा मेलमिलाप आयोगको छलफलमा राखिएको मन्तव्य
शेरबहादुर देउवा, सभापति, नेपाली कांग्रेस![](https://i0.wp.com/www.republicadainik.com/wp-content/uploads/2024/08/Kulman-Ghisingh-1.jpg?resize=200%2C200)
कुलमान घिसिङलाई भविष्यमा जेलमा थुन्न परेको जाहेरीको व्यहोरा
रमेशप्रसाद खरेल![](https://i0.wp.com/www.republicadainik.com/wp-content/uploads/2024/08/Swornim-Ravi.jpg?resize=200%2C200)
फेसबुकबाट तपाईको प्रतिक्रिया