बर्खास्तीमा परेका डीएसपी केसीलाई कदै र जरिवाना फैसला
![](https://i0.wp.com/www.republicadainik.com/wp-content/uploads/2023/03/Thagbahadur-KC.jpg?resize=810%2C466)
काठमाडौं । नेपाल प्रहरीका प्रहरी नायब उपरीक्षक (डीएसपी) ठगबहादुर केसी भ्रष्टाचारको मुद्दामा दोषी ठहर भएका छन् ।
मंगलबार विशेष अदालतले डीएसपी केसीलाई दोषी ठहर गरेको छ । अदालतले बिगो बराबरकै जरिवाना र २ वर्ष कैद सजायको फैसला सुनाएको छ ।
विशेष अदालतका अध्यक्ष न्यायाधीश टेकनारायण कुँवर तथा सदस्यद्वय न्यायाधीशहरू तेजनारायणसिंह राई र रितेन्द्र थापाको इजलासले केसीलाई दोषी ठहर गरेको छ ।
केसीलाई ८ लाख ५० हजार रुपियाँ जरिवाना र २ वर्ष कैद सजायको फैसला सुनाएको छ ।
इलाका प्रहरी कार्यालय बुटवलमा कार्यरत रहँदा डीएसपी केसी गत साउन महिनादेखि बर्खास्तीमा परेका थिए ।
इलाका प्रहरी कार्यालय बुटवलमा कार्यरत रहँदा डीएसपी केसीले सुनचाँदी व्यवसायी किसन बिकसँग घुस लिएको आरोप केसीलाई लागेको थियो ।
गत वर्षको मंसिर महिनामा बुटवलस्थित टेलिकम कार्यालय अगाडीबाट सुन सहित पक्राउ परेका बिकको साथबाट प्रहरीले ३६ तोला ३२ लाल सुन बरामद गरेको थियो । सो सुन फिर्ता गर्न केसीले नगद र चेक लिएका थिए ।
केन्द्रीय अनुसन्धान ब्युरोको टोलीले उनको निवासबाट ८ लाख ५० हजार नगद र ९ लाख ५० हजार रुपियाँको चेकसमेत बरामद गरेको थियो ।
अनुसन्धानका क्रममा उक्त सुन डीएसपी केसीले खाने उद्देश्यले रितपूर्वक बरामद नगरी बार्गेनिङ गरेको र ८ लाख ५० हजार नगद र चेकसमेत लिई सुन फिर्ता गर्ने तयारी भइरहेको खुलेको थियो ।
बिचार/ब्लग
![](https://i0.wp.com/www.republicadainik.com/wp-content/uploads/2024/08/Sherbahadur-Deuba-4.jpg?resize=200%2C200)
सभापति देउवाद्वारा मेलमिलाप आयोगको छलफलमा राखिएको मन्तव्य
शेरबहादुर देउवा, सभापति, नेपाली कांग्रेस![](https://i0.wp.com/www.republicadainik.com/wp-content/uploads/2024/08/Kulman-Ghisingh-1.jpg?resize=200%2C200)
कुलमान घिसिङलाई भविष्यमा जेलमा थुन्न परेको जाहेरीको व्यहोरा
रमेशप्रसाद खरेल![](https://i0.wp.com/www.republicadainik.com/wp-content/uploads/2024/08/Swornim-Ravi.jpg?resize=200%2C200)
फेसबुकबाट तपाईको प्रतिक्रिया