पत्नीको मोबाइलमा परपुरुषसँगको ४ मिनटको अडियो सुनेपछि दुर्घटना
![](https://i0.wp.com/www.republicadainik.com/wp-content/uploads/2024/05/Santosh-Pariyar.jpg?resize=810%2C499)
काठमाडौं । परपुरुषसँग अनैतिक सम्बन्ध रहेको आशंकामा ३५ वर्षीय सन्तोष परियारले आफ्नी पत्नी ३५ वर्षीया अनिसा चाहारको हत्या गरेका छन् ।
ओलखढुङ्गाको सिद्धिचरण नगरपालिका– ३ स्थायी ठेगाना भएका सन्तोषले पत्नी अनिसाको हत्यापछि प्रहरी समक्ष आत्मसमर्पण गरेको जिल्ला प्रहरी परिसर काठमाडौंका सूचना अधिकारी (एसपी) नवराज अधिकारीले बताएका छन् ।
सन्तोषले महानगरीय प्रहरी वृत्त बौद्धमा बुधबार बिहान ८ बजेर ४० मिनेटमा आत्मसमर्पण गरेका हुन् ।
सन्तोषले पत्नीको हत्या गरेको जानकारी गराएपछि प्रहरी वृत्त बौद्धका डीएसपी राजु पाण्डेको नेतृत्वमा टोली खटिएको थियो ।
काठमाडौं महानगरपालिका–६ भुवलडाँडामा रहेको छिरिङ लामाको घरको भुईँ तलामा रहेको डेरा कोठामा अनिसाको शव फेला परेको थियो । अनिसाको शव ओछ्यानमा मृत अवस्थामा भेटिएको थियो । शवलाई प्रहरीले पोष्टमार्टमका लागि त्रिवि शिक्षण अस्पतालमा पठाएको छ । मृतक अनिसाको अनुहार, निधार, पेट तथा छातीमा चोट देखिएको छ ।
पत्नीमाथि शंका लागेपछि सन्तोषले अनिसाको मोबाइलमा अडियो रेकर्ड सेट गरेका थिए । अनिसा पर पुरुषसँग बोलेको ४ मिनेटको अडियो सुनेर आफूलाई असह्य भएपछि कुटेर हत्या गरेको प्रहरी समक्ष प्रारम्भीक बयान दिएको एसपी अधिकारीले बताएका छन् ।
अनिसाले सन्तोषसँग तेस्रो विवाह गरेकी हुन् । सन्तोषले अनिसासँग दोस्रो विवाह गरेका थिए ।
दुई पटक कतार र मलेसिया गएर फर्केका सन्तोष पछिल्लो समय बौद्धस्थित भुवलडाँडामा बस्दै आएका थिए ।
बिचार/ब्लग
![](https://i0.wp.com/www.republicadainik.com/wp-content/uploads/2024/08/Sherbahadur-Deuba-4.jpg?resize=200%2C200)
सभापति देउवाद्वारा मेलमिलाप आयोगको छलफलमा राखिएको मन्तव्य
शेरबहादुर देउवा, सभापति, नेपाली कांग्रेस![](https://i0.wp.com/www.republicadainik.com/wp-content/uploads/2024/08/Kulman-Ghisingh-1.jpg?resize=200%2C200)
कुलमान घिसिङलाई भविष्यमा जेलमा थुन्न परेको जाहेरीको व्यहोरा
रमेशप्रसाद खरेल![](https://i0.wp.com/www.republicadainik.com/wp-content/uploads/2024/08/Swornim-Ravi.jpg?resize=200%2C200)
फेसबुकबाट तपाईको प्रतिक्रिया