ओखलढुङ्गाका सूर्य थापा र धादिङकी विमला गुरुङ पक्राउ
![](https://i0.wp.com/www.republicadainik.com/wp-content/uploads/2024/05/Surya-Bimala.jpg?resize=810%2C510)
काठमाडौं । नेपाल प्रहरीको काठमाडौं अपराध अनुसन्धान कार्यालय, मीनभवनले बेरोजगार युवायुवतीलाई वैदेशिक रोजगारीमा पठाउने भन्दै ठगी गरेको अभियोगमा दुई जनालाई पक्राउ गरेको छ ।
पक्राउ पर्नेमा ओखलढुंगा घर भई हाल काठमाडौंको बौद्ध बस्ने ३० वर्षीय सूर्य थापा मगर र धादिङ घर भई स्वयम्भू बस्ने ४६ वर्षीय विमला गुरुङलाई पक्राउ गरिएको विज्ञप्तिमा उल्लेख छ ।
सूर्य थापाले हीराबहादुर लामिछाने समेत ५ जनालाई दुबईमा आकर्षक तलबको प्रलोभन देखाई १० लाख २० हजार रुपियाँ लिई ठगी गरेको आरोप छ । थापालाई प्रहरीले अनामनगरबाट सोमबार पक्राउ गरेको जनाएको छ ।
विमलाले नरबहादुर आचार्यलाई माल्टा पठाइदिन्छु भन्दै ७ लाख रुपियाँ लिई ठगी गरेको आरोप छ । उनलाई प्रहरीले स्वयम्भूबाट सोमबार पक्राउ गरेको छ ।
दुवै जनालाई पक्राउ गरी थप अनुसन्धान तथा कारबाहीको लागि वैदेशिक रोजगार विभाग ताहाचल काठमाडौं पठाइएको छ ।
बिचार/ब्लग
![](https://i0.wp.com/www.republicadainik.com/wp-content/uploads/2024/08/Sherbahadur-Deuba-4.jpg?resize=200%2C200)
सभापति देउवाद्वारा मेलमिलाप आयोगको छलफलमा राखिएको मन्तव्य
शेरबहादुर देउवा, सभापति, नेपाली कांग्रेस![](https://i0.wp.com/www.republicadainik.com/wp-content/uploads/2024/08/Kulman-Ghisingh-1.jpg?resize=200%2C200)
कुलमान घिसिङलाई भविष्यमा जेलमा थुन्न परेको जाहेरीको व्यहोरा
रमेशप्रसाद खरेल![](https://i0.wp.com/www.republicadainik.com/wp-content/uploads/2024/08/Swornim-Ravi.jpg?resize=200%2C200)
फेसबुकबाट तपाईको प्रतिक्रिया