कांग्रेसका शीर्ष नेताहरूको बैठक, गृहमन्त्री लामिछानेको सहकारी ठगी काण्डबारे छलफल हुने
![](https://i0.wp.com/www.republicadainik.com/wp-content/uploads/2024/03/Deuba-Niwas-Budanilkantha-C.jpg?resize=810%2C460)
काठमाडौं । प्रतिनिधिसभाको बैठक बस्नुभन्दा दुई दिन अगाडि रणनीति बनाउन नेपाली कांग्रेसका पदाधिकारी र पूर्वपदाधिकारीको बैठक बस्न लागेको छ ।
बुधबार दिउँसो २ बजे सभापति शेरबहादुर देउवाको निवास बुढानीलकण्ठमा बैठक बस्न लागेको छ ।
वैशाख २८ गतेदेखि सुरु हुने बजेट अधिवेशनका विषयमा छलफल केन्द्रित रहनेछ । कांग्रेसका मागलाई सरकारले पूरा गर्न अनिच्छा देखाएपछि संसदमा गतिरोध हुने सम्भावना छ ।
सहकारीको रकम अपचलन र ठगीमा मुछिएका गृहमन्त्री रवि लामिछानेका सम्बन्धमा संसदीय छानविन समितिको माग गर्दै आएको कांग्रेसले संसदलाई अबरोध गर्न सक्छ ।
संसदमा आफ्ना मागलाई पूरा गराउन कसरी अगाडि बढ्ने भन्ने विषयमा छलफल गर्न सभापति देउवाले पदाधिकारीको बैठक बोलाएका हुन् ।
गृहमन्त्री लामिछानेलाई संसदीय छानविन समिति बनाएर छानविन गर्न नपाइने भनेर एमालेका अध्यक्ष केपी ओलीले सबैभन्दा धेरै आवाज उठाउँदै आएका छन् ।
नेपाली कांग्रेसको संसदीय दलको बैठक बिहीबार दिउँसो २ बजे बस्ने तय भएको छ । त्योभन्दा अगाडि पदाधिकारीको बैठक बोलाइएको छ ।
बजेट अधिवेशनको पहिलो बैठक वैशाख २८ गते दिउँसो २ बजे संघीय संसद भवन नयाँबानेश्वरमा बस्दैछ ।
बिचार/ब्लग
![](https://i0.wp.com/www.republicadainik.com/wp-content/uploads/2024/08/Sherbahadur-Deuba-4.jpg?resize=200%2C200)
सभापति देउवाद्वारा मेलमिलाप आयोगको छलफलमा राखिएको मन्तव्य
शेरबहादुर देउवा, सभापति, नेपाली कांग्रेस![](https://i0.wp.com/www.republicadainik.com/wp-content/uploads/2024/08/Kulman-Ghisingh-1.jpg?resize=200%2C200)
कुलमान घिसिङलाई भविष्यमा जेलमा थुन्न परेको जाहेरीको व्यहोरा
रमेशप्रसाद खरेल![](https://i0.wp.com/www.republicadainik.com/wp-content/uploads/2024/08/Swornim-Ravi.jpg?resize=200%2C200)
फेसबुकबाट तपाईको प्रतिक्रिया