न्यारोबडी जहाज मर्मतमा के के प्रश्न उठ्यो ? निगमद्वारा समिति गठन
![](https://i0.wp.com/www.republicadainik.com/wp-content/uploads/2022/04/Nepal-Airlince-Plane.jpg?resize=810%2C419)
काठमाडौं । नेपाल वायुसेवा निगमले न्यारोबडी जहाज मर्मतमा भएको ढिलाइबारे छानबिन गर्न समिति गठन गरेको छ ।
निगमको ९एन–एकेएक्स जहाजको इन्जिन मर्मतमा करिब ५ महिनाभन्दा बढी समय लागेको थियो ।
निगम सञ्चालक समितिको बैठकले सञ्चालक समिति सदस्य सुधिरशम्शेर राईको संयोजकत्वमा पाँच सदस्यीय छानबिन समिति गठन गरेको निगमका प्रवक्ता रमेश पौडेलद्वारा शुक्रबार जारी विज्ञप्तिमा उल्लेख छ ।
समितिलाई निगमको जहाजको इन्जिन इजरायल एरोस्पेस इन्ड्रस्ट्रिजमा मर्मतका लागि पठाएकोमा समयमा नआएको र भाडाको इन्जिन समयमा नदिएको सम्बन्धमा छानबिन र अध्ययन गरी १५ दिनभित्र सिफारिससहितको प्रतिवेदन बुझाउन आदेश दिइएको छ ।
सम्झौताको सर्तअनुसार समयमा इन्जिन दिन नसकेको सम्बन्धमा निगमको सीएएम डिपार्टमेन्टबाट क्षतिपूर्ति दाबी गर्ने प्रक्रिया समेत अगाडि बढेको प्रवक्ता पौडेलले बताएका छन् ।
उता, इन्जिन मर्मतका क्रममा जहाज लामो समय इजरायलमा रहेपछि विभिन्न आशंका भएका थिए ।
जहाज मर्मतमा ५१ मिलियन डलर भुक्तानी गर्नुपर्नेमा निगमले ७४ मिलियन डलर भुक्तानीको तयारी दिन लागेको आरोप लागेको छ ।
जहाज मर्मतमा गएका बेला निगमलाई करीव २ अर्ब नोक्सानी भएको चर्चा निगमभित्र छ ।
यसअघि कार्यकारी अध्यक्ष युवराज अधिकारीबाट निगम र इजरायल एरोस्पेस इन्टस्ट्री (आईएआई)बीच भएको सम्झौताबमोजिम कार्य गर्न र ढिलाइ भएकोमा क्षतिपूर्तिसमेत दाबी गर्नु भनी मिति गत चैत २२ मा सीएम डिपार्टमेन्टमा निर्देशनसमेत भइसकेको विज्ञप्तिमार्फत जनाइएको छ ।
बिचार/ब्लग
![](https://i0.wp.com/www.republicadainik.com/wp-content/uploads/2024/08/Sherbahadur-Deuba-4.jpg?resize=200%2C200)
सभापति देउवाद्वारा मेलमिलाप आयोगको छलफलमा राखिएको मन्तव्य
शेरबहादुर देउवा, सभापति, नेपाली कांग्रेस![](https://i0.wp.com/www.republicadainik.com/wp-content/uploads/2024/08/Kulman-Ghisingh-1.jpg?resize=200%2C200)
कुलमान घिसिङलाई भविष्यमा जेलमा थुन्न परेको जाहेरीको व्यहोरा
रमेशप्रसाद खरेल![](https://i0.wp.com/www.republicadainik.com/wp-content/uploads/2024/08/Swornim-Ravi.jpg?resize=200%2C200)
फेसबुकबाट तपाईको प्रतिक्रिया