सभापति खतिवडाद्वारा २ जनाको ज्यान गुमाएको धमलाको परिवारलाई आर्थिक सहयोग
![](https://i0.wp.com/www.republicadainik.com/wp-content/uploads/2024/05/10df6d8e-def8-4c38-b650-677d382d1825.jpeg?resize=825%2C510)
सिद्धिचरण । नेपाली कांग्रेसका नेता समेत रहेका राज्य व्यवस्था तथा सुशासन समितिका सभापति रामहरि खतिवडाले आगलागीबाट जलेर निधन भएका परिवारलाई आर्थिक सहयोग प्रदान गरेका छन् ।
शनिबार ओखलढुङ्गाको सिद्धिचरण नगरपालिका १० बेतेनीमा आगलागीमा परेर मृत्यु भएका आफन्तलाई खतिवडाले व्यक्तिगत रुपमा २२ हजार र नगरपालिकाको १ लाख गरी १ लाख २२ हजार रुपियाँ हस्तान्तरण गरेको स्वकीय सचिव हुकुम राईले बताए ।
वैशाख २४ गते सोमबार दिउँसो बसाहा हरिबोले सामुदायिक वनमा लागेको आगो अनियन्त्रित भएर बाहुनडाँडाका रेवती धमलाको खरबारीमा सल्केको थियो ।
आगोले काटेर राखेको खर, घाँस जोगाउने क्रममा ५५ वर्षीया पूण्यमाया धमला र उनका १६ वर्षीय छोरा कञ्चन धमलाको जलेर मृत्यु भएको थियो ।
आमा–छोराको मृत्यु भएको घर परिवारलाई भेटेर सभापतिले आर्थिक सहयोग गरेका हुन् । आर्थिक सहयोग हस्तान्तरणका क्रममा नेपाली कांग्रेस ओखलढुङ्गाका सभापति तथा सिद्धिचरण नगरपालिकाका नगरप्रमुख तेजेन्द्र खनालको पनि उपस्थिति रहेको थियो ।
समितिका सभापति खतिवडाले धमलाको परिवारले व्यहोरेको क्षतिलाई सानो आर्थिक सहयोगले पूरा गर्न नसक्ने भन्दै विपतको बेला मानवीय भावना सबैले राख्नुपर्ने बताए । उनले प्राकृतिक प्रकोपबाट भएको मानवीय क्षतिप्रति खतिवडाले मर्माहत भएको बताए ।
नगरप्रमुख खनालले पनि धमला परिवारले भोगेको पीडा निकै ठूलो रहेको बताए । उनले आगलागीको यो घटनाले पूर्वतयारी र जनचेतना आवश्यक रहेको बताएका छन् ।
बिचार/ब्लग
![](https://i0.wp.com/www.republicadainik.com/wp-content/uploads/2024/08/Sherbahadur-Deuba-4.jpg?resize=200%2C200)
सभापति देउवाद्वारा मेलमिलाप आयोगको छलफलमा राखिएको मन्तव्य
शेरबहादुर देउवा, सभापति, नेपाली कांग्रेस![](https://i0.wp.com/www.republicadainik.com/wp-content/uploads/2024/08/Kulman-Ghisingh-1.jpg?resize=200%2C200)
कुलमान घिसिङलाई भविष्यमा जेलमा थुन्न परेको जाहेरीको व्यहोरा
रमेशप्रसाद खरेल![](https://i0.wp.com/www.republicadainik.com/wp-content/uploads/2024/08/Swornim-Ravi.jpg?resize=200%2C200)
फेसबुकबाट तपाईको प्रतिक्रिया