कांग्रेसले नीति तथा कार्यक्रम पेस गर्न दिने, छलफल हुन नदिने
![](https://i0.wp.com/www.republicadainik.com/wp-content/uploads/2024/05/Congress-Samsadiya-Dal-Deub.jpg?resize=810%2C428)
काठमाडौं । प्रमुख प्रतिपक्ष दल नेपाली कांग्रेसले सरकारको नीति तथा कार्यक्रम संघीय संसदमा पेस गर्न दिने निर्णय गरेको छ ।
मंगलबार बिहान सिंहदरबारमा बसेको संसदीय दलको बैठकले संसदमा सरकारको नीति तथा कार्यक्रम पेस गर्न दिने निर्णय गरेको प्रमुख सचेतक रमेश लेखकले बताएका छन् ।
नीति तथा कार्यक्रम प्रस्तुत गर्न दिने तर त्यसमाथिको छलफल गर्न नदिने रणनीति कांग्रेसले अपनाएको छ ।
मंगलबार दिउँसो ३ बजे संघीय संसदको बैठक बस्न लागेको छ । राष्ट्रपति रामचन्द्र पौडेलले सरकारको तर्फबाट नीति तथा कार्यक्रम प्रस्तुत गर्नेछन् ।
सहकारीको करोडौं रकम अपचलन तथा ठगीमा मुछिएका गृहमन्त्री रवि लामिछानेमाथि अनुसन्धान गर्न कांग्रेसले संसदीय छानविन समितिको माग गरेको छ ।
कांग्रेसको मागलाई एमालेका अध्यक्ष केपी ओली र गृहमन्त्री लामिछानेले अस्वीकार गर्दै आएका छन् । ओली र लामिछानेको दवावमा परेर प्रधानमन्त्री दाहालले कुनै निर्णय गर्न सकेका छैनन् ।
मंगलबार बिहान कांग्रेसका महामन्त्री गगन थापा र प्रमुख सचेतक रमेश लेखकसँग प्रधानमन्त्री दाहालले भेटवार्ता गरेका छन् ।
कांग्रेसका नेताहरूसँग दाहालले संसदमा सरकारको नीति तथा कार्यक्रम पेस गर्न दिन आग्रह गरेका छन् ।
बिचार/ब्लग
![](https://i0.wp.com/www.republicadainik.com/wp-content/uploads/2024/08/Sherbahadur-Deuba-4.jpg?resize=200%2C200)
सभापति देउवाद्वारा मेलमिलाप आयोगको छलफलमा राखिएको मन्तव्य
शेरबहादुर देउवा, सभापति, नेपाली कांग्रेस![](https://i0.wp.com/www.republicadainik.com/wp-content/uploads/2024/08/Kulman-Ghisingh-1.jpg?resize=200%2C200)
कुलमान घिसिङलाई भविष्यमा जेलमा थुन्न परेको जाहेरीको व्यहोरा
रमेशप्रसाद खरेल![](https://i0.wp.com/www.republicadainik.com/wp-content/uploads/2024/08/Swornim-Ravi.jpg?resize=200%2C200)
फेसबुकबाट तपाईको प्रतिक्रिया