सहकारी ठगका आरोपी गृहमन्त्रीलाई कारबाहीको मागसहित काठमाडाैंमा महिला संघद्वारा प्रदर्शन
![](https://i0.wp.com/www.republicadainik.com/wp-content/uploads/2024/05/436130553_2796208620519247_3467550920604520272_n.jpg?resize=825%2C510)
काठमाडौं । सहकारीको करोडौं रकम अपचलन र ठगी गरेको अभियोग लागेका गृहमन्त्री रवि लामिछानेविरुद्ध नेपाल महिला संघले काठमाडौंमा प्रदर्शन गरेको छ ।
मंगलबार रत्नपार्कमा संघले सहकारी ठगलाई कारबाहीको माग र निक्षेपकर्ताको रकम फिर्ताको माग गरेर प्रदर्शन गरेको हो । संघकी अध्यक्ष उषा राउतले सहकारीको करोडौं रकम अपचलन र ठगी गर्ने व्यक्ति गृहमन्त्री जस्तो उच्च पदमा रहेको भन्दै कारबाहीको माग गरिन् । उनले गृहमन्त्री लामिछानेले शक्तिको दुरुपयोग गरेर आफूविरुद्धका प्रमाणहरू नष्ट गर्ने आरोप लगाएकी छिन् ।
उनले नागरिकहरूले सहकारीमा जम्मा गरेको बचत फिर्ता हुनुपर्ने माग गरेकी छिन् ।
महिला संघले सहकारीको रकम दुरूपयोग गरी अपचलन गर्ने ठगहरूलाई छानबिन दायरामा ल्याई कानूनी कारबाही गर्न सरकारलाई दबाब सिर्जना गर्न प्रदर्शन गरेको छ ।
नेपाल तरुण दलका अध्यक्ष विद्वान गुरुङले सहकारीको रकम ठगी गर्ने व्यक्तिलाई कानूनी दायरमा ल्याउन दवाव सिर्जना गर्न तरुण दलले पनि आन्दोलन गर्न लागेको बताए । उनले राज्यशक्तिको दुरुपयोग गरेर सहकारी ठग र नटवरलालहरू भुक्ने गरेको भन्दै धेरै नउफ्रिन सचेत गराएका छन् ।
प्रदर्शनमा नेपाली कांग्रेस केन्द्रीय सदस्य नैनसिंह महर, काठमाडौं कांग्रेस सभापति सबुजकृष्ण बानियाँलगायतको उपस्थिति रहेको थियो ।
यसैबीच, नेपाल तरुण दलले बुधबार माइतीघरदेखि नयाँ बानेश्वरसम्म प्रदर्शन गर्न लागेको छ । सहकारी ठगलाई कारबाही र संसदीय छानबिन समिति गठन गरिनुपर्ने मागसहित तरुण दलले प्रदर्शन गर्न लागेको छ ।
नेपाली कांग्रेसले सहकारी ठगी प्रकरणमा संसदीय छानविन समितिको माग गरेर संसद अबरुद्ध गर्दै आएको छ ।
![](https://i0.wp.com/www.republicadainik.com/wp-content/uploads/2024/05/428032748_2796208663852576_1177083781288479212_n-1024x577.jpg?resize=1024%2C577&ssl=1)
![](https://i0.wp.com/www.republicadainik.com/wp-content/uploads/2024/05/436252780_2796208987185877_8477156851854266368_n-1024x576.jpg?resize=1024%2C576&ssl=1)
![](https://i0.wp.com/www.republicadainik.com/wp-content/uploads/2024/05/428036434_2796209013852541_6808276940798577819_n-1024x577.jpg?resize=1024%2C577&ssl=1)
![](https://i0.wp.com/www.republicadainik.com/wp-content/uploads/2024/05/441474189_2796208940519215_7600431717345787374_n-1024x576.jpg?resize=1024%2C576&ssl=1)
बिचार/ब्लग
![](https://i0.wp.com/www.republicadainik.com/wp-content/uploads/2024/08/Sherbahadur-Deuba-4.jpg?resize=200%2C200)
सभापति देउवाद्वारा मेलमिलाप आयोगको छलफलमा राखिएको मन्तव्य
शेरबहादुर देउवा, सभापति, नेपाली कांग्रेस![](https://i0.wp.com/www.republicadainik.com/wp-content/uploads/2024/08/Kulman-Ghisingh-1.jpg?resize=200%2C200)
कुलमान घिसिङलाई भविष्यमा जेलमा थुन्न परेको जाहेरीको व्यहोरा
रमेशप्रसाद खरेल![](https://i0.wp.com/www.republicadainik.com/wp-content/uploads/2024/08/Swornim-Ravi.jpg?resize=200%2C200)
फेसबुकबाट तपाईको प्रतिक्रिया