लुम्बिनी कांग्रेसको सभापतिमा श्रेष्ठ, खनाल र भण्डारीद्वारा तयारीको चर्चा
![](https://i0.wp.com/www.republicadainik.com/wp-content/uploads/2024/05/Bhuwan-Bikram-Moti.jpg?resize=810%2C510)
काठमाडौं । नेपाली कांग्रेस लुम्बिनी प्रदेशको भावी सभापतिका लागि आकांक्षी देखिएको चर्चा छ ।
१५औँ महाधिवेशन आउने अझै दुई वर्ष बाँकी रहेका बेला लुम्बिनी कांग्रेसमा भावी सभापतिका विषयमा चर्चा हुन थालेको हो ।
सभापतिका लागि विशेष गरेर महामन्त्री गगन थापा र केन्द्रीय सदस्य शेखर कोइराला समूहबाट ३ नेताहरू चर्चामा छन् ।
बिक्रम खनाल, भुवन श्रेष्ठ र मोतीलाल भण्डारी देखिएका छन् । उनीहरू तीन जनाले आफूलाई महामन्त्री गगन थापा र नेता शेखर कोइराला निकट बताउने गरेका छन् ।
भुवनप्रसाद श्रेष्ठ लुम्बिनी कांग्रेसमा हाल उपसभापति छन् । बिक्रम खनाल महामन्त्री र मोतीलाल भण्डारी लुम्बिनी प्रदेश कार्यसमितिका सदस्य हुन् ।
यी तीन नेताले सभापतिका लागि अहिले देखिनै गतिविधि शुरु गरिरहेका छन् । उनीहरूले जिल्ला भ्रमण गर्ने, भेटघाट र गुटका बैठकहरू गरिरहेको चर्चा छ ।
लुम्बिनी प्रदेशमा उनीहरू शेखर कोइराला निकटका मानिन्छन् । केन्द्रमा भने उनीहरू विभिन्न नेताहरूसँग जोडिएको चर्चा छ ।
श्रेष्ठले नेता प्रकाशमान सिंहलाई छाडेर अमरसिंह पुनतिर लागेका छन् । गुल्मी कांग्रेसका पूर्वसभापति श्रेष्ठ मेयरमा पराजित भएका थिए । श्रेष्ठले सभापति पुनलाई साथमा लिएर जिल्ला दौडाहामा छन् ।
पूर्वसांसद खनाल लुम्बिनी कांग्रेसमा राम्रो पकड राख्छन् । गत निर्वाचनमा खनाललाई अन्तर्घातको आरोप लागेको छ । खनाल केन्द्रीय सदस्य देबेन्द्रराज कँडेलसँग मिल्दैनन् । खनाल र कँडेलबीच शीतयुद्ध छ । लुम्बिनी कांग्रेसको सभापतिको चाहना राख्ने हो भने खनालले कँडेलसँग राम्रो सम्बन्ध बनाउनै पर्छ । होइन भने भविष्यमा खनाललाई ठूला राजनैतिक चुनौतीको सामना गर्नुपर्छ ।
नेविसंघबाट पार्टीको राजनीतिमा भित्रिएका गुल्मीका मोतीलाल भण्डारी पनि सभापतिका आकांक्षी हुन् । भण्डारी महामन्त्री गगन थापा निकट मानिन्छन् । विगतमा कोइराला समूहबाटै भण्डारीले राजनीति गर्दै आएका थिए ।
तत्कालीन समयमा गगनले टिम परिवर्तन गर्दा समेत भण्डारीले समूह परिवर्तन गरेका थिएनन् । उनी कोइराला समूहमै रहेका थिए ।
भण्डारी युवा विद्यार्थीका बीच लोकप्रिय छवि बनाएका छन् । त्रिभुवन विश्वबिद्यालयबाट राजनीति शास्त्रमा स्नातकोत्तर गरेका भण्डारीले सभापतिमा तयारी सुरु गरिसकेका छन् ।
बिचार/ब्लग
![](https://i0.wp.com/www.republicadainik.com/wp-content/uploads/2024/08/Sherbahadur-Deuba-4.jpg?resize=200%2C200)
सभापति देउवाद्वारा मेलमिलाप आयोगको छलफलमा राखिएको मन्तव्य
शेरबहादुर देउवा, सभापति, नेपाली कांग्रेस![](https://i0.wp.com/www.republicadainik.com/wp-content/uploads/2024/08/Kulman-Ghisingh-1.jpg?resize=200%2C200)
कुलमान घिसिङलाई भविष्यमा जेलमा थुन्न परेको जाहेरीको व्यहोरा
रमेशप्रसाद खरेल![](https://i0.wp.com/www.republicadainik.com/wp-content/uploads/2024/08/Swornim-Ravi.jpg?resize=200%2C200)
फेसबुकबाट तपाईको प्रतिक्रिया