गृहमन्त्री लामिछानेले झल्लुहरूलाई मापसे जाँच गर्न लगाउने, हजारौँ महिलाहरूमाथि अन्याय
![](https://i0.wp.com/www.republicadainik.com/wp-content/uploads/2024/05/Rabi-Women-Police.jpg?resize=810%2C406)
काठमाडौं । गृहमन्त्री रवि लामिछानेले मादक पदार्थ सेवन (मापसे) गरेर पक्राउ पर्ने ‘झल्लु’ चालकहरूलाई मापसे गर्ने अन्य चालकहरूलाई पक्राउ गर्न खटाउने भएका छन् ।
मंगलबार फेसबुकमार्फत लामिछानेले भने, ‘मापसे लगायत ट्राफिक नियमको उलंघन गर्नेहरूले स्वयंसेवकका रुपमा उहाँहरूको साटो सडकमा सघाउनु हुनेछ ।’
सघाउने भनेको के हो ? गृहमन्त्री लामिछानेले ऐन, कानून र नियमभन्दा बाहिर गएर मापसे सेवन गरेर झल्लु भएका चालकहरूलाई अन्य मापसे गरेका चालकहरू समात्न लगाउने हो ? प्रश्न उठेको छ । ऐन कानूनमा मापसे गरेका झल्लुहरूले अर्को मापसे समात्न खोज्दा दुर्घटना भयो भने त्यसको जिम्मेवारी लामिछानेले लिन्छन् ?
लामिछानेले आफ्नो गृहमन्त्री पदको गरिमालाई भुलेर प्रहरी संठगनलाई फेसबुकमा लेखेर निर्देशन दिएका छन् । लामिछानेमा सुधार हुने कुनै संकेत छैन । गृहमन्त्री भएर फेसबुकबाट प्रहरीलाई निर्देशन दिने होइन । आन्तरिक रुपमा काम गर्ने हो ।
उता, गृहमन्त्री लामिछानेले लेखेका छन्, ‘अबदेखि महिला ट्राफिक प्रहरीहरूले महिनावारीका ४ दिन सडकमा डिउटी गर्नु पर्दैन ।’
लामिछानेले चार दिन डिउटी गर्न नपर्नु भनेको सार्वजनिक विदा दिएका हुन् वा अन्यत्रको काममा खटाएका हुन् ? खुलाएका छैनन् । ट्राफिक महिलालाई मात्रै महिनावारीमा ४ दिन विदा दिँदा नेपाल प्रहरी, सशस्त्र प्रहरी बल नेपाल, गृह मन्त्रालय मातहतका धेरै कार्यालय, विभाग छन् त्यहाँ कार्यरत महिलालाई यो ४ दिन हो कि होइन ?
निजामती, संस्थान वा ज्याला, मजदुरी गर्ने महिलाको हकमा यो नियम हो की होइन ? कि गृहमन्त्री लामिछानेको मनमा जे आयो त्यहि निर्णय गर्ने हो ? यस्ता हावा निर्णय गर्नुभन्दा अगाडि समिति बनाएर गृहकार्य उचित निर्णय गर्नुपर्ने सुझावहरू आएका छन् । लामिछानेको यो ४ दिनवाला डिउटी गर्न नपर्नेवाला कुरा विवादमा आइसकेको छ ।
सहकारीको करोडौं रकम अपचलन र ठगीको अभियोग लागेका गृहमन्त्री लामिछानेले यस्ता टपरटुइँया आदेश दिएर के गर्न खोजेका हुन् प्रश्न उठेको छ ।
ट्राफिक महिला प्रहरीलाई मात्रै यो सुविधा हो भने प्रहरीभित्रकै अरु महिला प्रहरीमाथि ठूलो भेदभाव हो । गृह मन्त्रालय मातहतका विभाग र कार्यालयका महिला कर्मचारीमाथि पनि गृहमन्त्री लामिछानेको भदभावको नीति मानिन्छ ।
बिचार/ब्लग
![](https://i0.wp.com/www.republicadainik.com/wp-content/uploads/2024/08/Sherbahadur-Deuba-4.jpg?resize=200%2C200)
सभापति देउवाद्वारा मेलमिलाप आयोगको छलफलमा राखिएको मन्तव्य
शेरबहादुर देउवा, सभापति, नेपाली कांग्रेस![](https://i0.wp.com/www.republicadainik.com/wp-content/uploads/2024/08/Kulman-Ghisingh-1.jpg?resize=200%2C200)
कुलमान घिसिङलाई भविष्यमा जेलमा थुन्न परेको जाहेरीको व्यहोरा
रमेशप्रसाद खरेल![](https://i0.wp.com/www.republicadainik.com/wp-content/uploads/2024/08/Swornim-Ravi.jpg?resize=200%2C200)
फेसबुकबाट तपाईको प्रतिक्रिया