मोदीले लिए तेस्रो पटक भारतीय प्रधानमन्त्रीको शपथ
![](https://i0.wp.com/www.republicadainik.com/wp-content/uploads/2024/06/Narendra-Modi.jpg?resize=810%2C439)
नयाँदिल्ली । भारतीय जनता पार्टी (भाजपा)का नेता नरेन्द्र मोदीले भारतको प्रधानमन्त्रीमा तेस्रो कार्यकालका लागि शपथग्रहण गरेका छन् ।
आइतबार साँझ नयाँदिल्लीमा मोदीले राष्ट्रपति द्रौपदी मुर्मूसमक्ष पद तथा गोपनीयताको शपथ लिएका छन् । मोदी लगातार तेस्रो पटक भारतको प्रधानमन्त्री बनेका छन् ।
मोदीले यसअघि सन् २०१४ मा पहिलो पटक प्रधानमन्त्री पदको शपथ लिएका थिए । त्यसपछि दोस्रो पटक उनले सन् २०१९ मा प्रधानमन्त्री पदको शपथ लिएका थिए ।
राष्ट्रपति भवनको प्राङ्गणमा आयोजित शपथग्रहण समारोहमा नेपालका प्रधानमन्त्री पुष्पकमल दाहाल ‘प्रचण्ड’ पनि सहभागी भएका छन् ।
शपथको कार्यक्रममा बाङ्गलादेश, श्रीलङ्का, भुटान, सेशेल्स, मरिशस र माल्दिभ्सका सरकार तथा राष्ट्रप्रमुखहरू सहभागी भएका छन् ।
हजारौँ मानिसहरू सहभागी शपथग्रहण समारोहलाई मध्यनजर गर्दै दिल्लीको सुरक्षा व्यवस्था कडा पारिएको छ ।
मोदीको अघिल्लो कार्यकालका गृहमन्त्री अमित शाह, रक्षामन्त्री राजनाथ सिंह, अर्थमन्त्री निर्मला सीतारमण, विदेश मन्त्री एस.जयशङ्कर लगायतका अनुहारहरू भने संघीयमन्त्रीका रूपमा दोहोरिँदै शपथ लिएका छन् ।
शुक्रवार एनडीएका नेताहरूले सर्वसम्मत रूपमा मोदीलाई आफ्नो गठबन्धनको नेता मान्दै र प्रधानमन्त्रीको उम्मेदवारका रूपमा अघि सारेका थिए ।
१८औं लोकसभा निर्वाचनमा मोदी नेतृत्वमा रहेको नेशनल डेमोक्र्याटिक अलायन्स (एनडीए गठबन्धन)ले २९३ सिट जितेको छ ।
सन् २०१९ मा ३०३ सीट जितेको भाजपा यसपटक २४० सीटमा खुम्चिएको छ । कङ्ग्रेसको नेतृत्वमा विपक्षीहरूले इन्डिया नामको गठबन्धन बनाएर चुनावमा प्रतिस्पर्धा गरेका थिए । उनीहरूले अपेक्षा गरिएभन्दा २३२ सीट जितेका छन् । एजेन्सी
बिचार/ब्लग
![](https://i0.wp.com/www.republicadainik.com/wp-content/uploads/2024/08/Sherbahadur-Deuba-4.jpg?resize=200%2C200)
सभापति देउवाद्वारा मेलमिलाप आयोगको छलफलमा राखिएको मन्तव्य
शेरबहादुर देउवा, सभापति, नेपाली कांग्रेस![](https://i0.wp.com/www.republicadainik.com/wp-content/uploads/2024/08/Kulman-Ghisingh-1.jpg?resize=200%2C200)
कुलमान घिसिङलाई भविष्यमा जेलमा थुन्न परेको जाहेरीको व्यहोरा
रमेशप्रसाद खरेल![](https://i0.wp.com/www.republicadainik.com/wp-content/uploads/2024/08/Swornim-Ravi.jpg?resize=200%2C200)
फेसबुकबाट तपाईको प्रतिक्रिया