एयर डाइनेष्टीको हेलिकप्टर दुर्घटनाप्रति तरुण दल गम्भीर, छानविनको माग

काठमाडौं । नेपाल तरुण दलका अध्यक्ष विद्वान गुरुङले एयर डाइनेष्टीको हेलिकप्टर दुर्घटना भएको घटनाप्रति गहिरो दुःख व्यक्त गरेका छन् ।

बुधबार शोक वक्तव्य जारी गरेर अध्यक्ष गुरुङले ५ जनाको ज्यान जाने गरी भएको हेलिकप्टर दुर्घटनाप्रति दुःख व्यक्त गरेका हुन् ।

‘आज त्रिभुवन अन्तर्राष्ट्रिय विमानस्थमाबाट रसुवा जाने क्रममा उडेको केही समयमै एयर डाइनेष्टिको हेलिकप्टर नुवाकोटमा दुर्घटनाको खबरले स्तब्ध बनाएको छ’, उनले भने ।

‘हेलिकप्टरमा सवार क्याप्टेन अरुण मल्ल सहित चार जना चाइनिज नागरिकको मृत्यु भएकोमा भावपूर्ण श्रद्धाञ्जलि अर्पण गर्दै चीर शान्तिको कामना गर्दछु’, उनले भने ।

‘निरन्तर हवाइ दुर्घटनाको परिस्थितिको उब्जनी हुनु दुखद् कुरा हो’, गुरुङले भने, ‘छानविन समिति तत्काल बनाएर शीघ्रताको साथ यस किसिमको परिस्थितिको निरुपण गर्न आवस्यक छ ।’

Published : Wednesday, 2024 August 7, 10:22 pm