काठमाडौं । जबरजस्ती करणी गरेको अभियोगमा प्रहरीले पाल्पा र प्यूठानबाट तीन जनालाई पक्राउ गरेको छ ।

प्यूठान जिल्लामा ७ वर्षीया बालिकालाई जबरजस्ती करणी गरेको अभियोगमा मल्लरानी गाउँपालिका–२ नाकेटाकुरा बस्ने १९ वर्षीय केशव घर्ती मगरलाई बुधबार दिउँसो प्रहरीले पक्राउ गरेको विज्ञप्तिमा उल्लेख छ ।

केशवले बालिकालाई आफ्नै गोठमा लगेर जबरजस्ती करणी गरेको अभियोग छ ।

जबरजस्ती करणीको खबर प्राप्त हुनासाथ जिल्ला प्रहरी कार्यालय प्यूठानबाट खटिएको प्रहरीले उनलाई पक्राउ गरेको हो ।

उता, पाल्पामा ६६ वर्षीया महिलालाई जबरजस्ती करणी गरेको अभियोगमा पूर्वखोला गाउँपालिका–१ बस्ने ४७ वर्षीय धनबहादुर कामीलाई बुधबार साँझ प्रहरीले पक्राउ गरेको छ ।

धनबहादुरले ती महिलालाई मंगलबार जबरजस्ती करणी गरेको भन्ने उजुरीको आधारमा प्रहरी चौकी जब्गादीर ईलाका प्रहरी कार्यालय रामपुरबाट खटिएको प्रहरीले उनलाई पक्राउ गरेको हो ।

पाल्पामै १६ वर्षीया किशोरीलाई जबरजस्ती करणी गरेको अभियोगमा तानसेन नगरपालिका–७ कुन्सरे बस्ने ४३ वर्षीय ईन्द्रबिर झेडीलाई बुधबार राति प्रहरीले पक्राउ गरेको छ ।

झेडीले ती किशोरीलाई जबरजस्ती करणी गरेको भन्ने उजुरीको आधारमा प्रहरी चौकी प्रभास र जिल्ला प्रहरी कार्यालय पाल्पाबाट खटिएको प्रहरीले उनलाई पक्राउ गरेको हो ।