काठमाडौं । नेपाली कांग्रेसकी केन्द्रीय सदस्य सरिता प्रसाईंले भ्रातृ संस्थाहरूको अधिवेशन समयमा गर्न सुझाव दिएकी छिन् ।
सोमबार वीपीनगर, ललितपुरमा बसेको केन्द्रीय कार्यसमितिको बैठकमा बोल्दै नेत प्रसाईंले भनिन्, ‘जनसम्पर्क समितिको अधिवेशन समयमा गर्नुपर्छ ।’

‘समयमा अधिवेशन नगरेर यती अराजक स्थिति भइसक्यो की ? सारा साथीहरू नेपालमा भन्दा पनि विदेशमा झगडा शुरु भइसक्यो’, उनले भनिन्, ‘समयमा अधिवेशन गरौँ । महाधिवेशन प्रतिनिधि भएर आउनेहरू नेपाली नागरिक हुन् । त्यहाँको कार्यसमितिमा बस्न पाउने सबैलाई स्वीकार गरौँ । मेरो प्रस्ताव हो ।’

उनले भनिन्, ‘यहाँभन्दा गाईजात्रा भ्रातृ संगठनमा अरु के हुन्छ ? यो बैठकमा हेर्ने हो भने ७५ प्रतिशत नेपाल विद्यार्थी संघको राजनीतिबाट आएका हौँ ।’

प्रश्न गर्दै उनले भनिन्, ‘आज नेपाल विद्यार्थी संघको हालत के छ ? तरुण दलको हालत के छ ? महिला संघको हालत के छ ? पार्टीको मेरुदण्डलाई तहस नहस बनाएर पार्टी राम्रो हुन सक्दैन । योभन्दा लाजमर्दो कुरा के छ ?’

‘एउटा जिल्लामा २६ जना केन्द्रीय सदस्य छन् । कार्यक्रम गर्दा २६ जनालाई आसन ग्रहण गर्न साध्य छ ? हामी पनि नेविसंघबाट आएका हौँ’, उनले भनिन्, ‘गुटबन्दी गर्दा ठीक्क गर्दा हुन्छ । गुटका नाममा राम्रा मान्छे सिध्याउने ? बचाउने कसले हो ? गुट गर्नुस् । संगठन बचाएर गुट गर्नुस् ।’

उनले भनिन्, ‘महिला संघमा पनि झगडा गराइएको छ । महिला संघमा टिकट दिन पनि सकिएको छैन ।’

‘पार्टीभित्र खटाउने सय दिनको कुरा एकदम राम्रो हो । संगठन जिल्लामा नगइकन संगठन हुँदैन’, उनले भनिन् ।

‘सबै साथीहरूसँग बसेर आफ्ना मनका कुरा राख्न पाए भने अलिकति राम्रो हुन्छ । संगठन गर्न राम्रो हुन्छ । तर, सय दिन कुन कुन तरिकाले जाने ? कसरी जाने कुरामा हामी सल्लाह गरौँ’, केन्द्रीय सदस्य प्रसाईं भनिन् ।

‘गएको चुनावमा हाम्रो साथीहरूले विद्रोह गरेर चुनाव लडे । माओवादीलाई केही नबोला है भनेको हो’, उनले भनिन्, ‘अखिर प्रचण्डले हामीमाथि विद्रोह गरेर जानुभयो । सत्ताका लागि । ती साथीलाई कारबाही गर्ने की ? फुकुवा गर्ने ? माओवादीको विद्रोहमा लडेका देशभरिका सम्पूर्ण साथीहरूलाई फुकुवा गर्नुपर्छ ।’

उनले भनिन्, ‘महासमितिबाट पारित भएर आएका प्रस्तावहरूमा केन्द्रीय कार्यसमितिमा धेरै सुझावहरू आएको छ । भाषाका कुरा । के केका कुरा आएका छन् । सानो टिम बनाएर आएका कुराहरूलाई संशोधन गरेर लिएर जानुपर्छ ।’