परराष्ट्रमन्त्री डा.राणासँग अष्ट्रेलियाकी राजदूत फेलिसिटी र सार्कका महासचिवद्वारा भेटवार्ता

काठमाडौं । परराष्ट्रमन्त्री डा.आरजु राणासँग नेपालका लागि अष्ट्रेलियाका राजदूत सुश्री फेलिसिटी भोल्कले विदाइ भेट गरेकी छिन् ।

सिंहदरबारस्थित परराष्ट्र मन्त्रालयमा डा.राणासँग राजदूत फेलिसिटीले विदाइ भेट गरेकी हुन् ।

राजदूतको कार्यकालमा नेपाल–अष्ट्रेलिया सम्बन्धलाई उचाइँमा पु¥याउने प्रयासका लागि परराष्ट्रमन्त्री डा.राणाले राजदूत फेलिसिटीलाई धन्यवाद दिएकी छिन् ।

यसैबीच, मंगलबार नै परराष्ट्रमन्त्री डा.राणासँग सार्कका महासचिव गोलाम सरवारले पनि शिष्टाचार भेटवार्ता गरेका छन् ।

मन्त्री डा.राणा र महासचिव सरवारबीच भएको भेटमा सार्कमा क्षेत्रीय सहयोगको वर्तमान अवस्था र सदस्य राष्ट्रहरूको साझा हितमा यस फोरमलाई पुनरुत्थान गर्ने विषयमा छलफल केन्द्रित भएको परराष्ट्रमन्त्री डा.राणाको निजी सचिवालयले जनाएको छ ।