२२ वर्षीया महिला र २ वर्षीय बालकको हत्या गरेर फरार मानिस पक्राउ

गौर । जिल्ला प्रहरी कार्यालय रौतहटले हत्याको अभियोगमा दुर्गाभगवती गाउँपालिका वडा नं. ४ छतौना वर्ष ४८ का महमद जनिफलाई पक्राउ गरेको छ ।

दुर्गाभगवती– ४ बस्ने समरुदिन मियाँ कवारीको श्रीमती वर्ष २२ की हुस्नेयारा खातुन र उनको छोरा वर्ष २ को रेहानको २०७७ वैशाख ११ गते राति ८ बजे हत्या गरी जनिफले मसुरोको भुसमा बलिरहेको आगोमा शव फाली फरार भएका थिए । उक्त स्थानबाट ३०० मिटरको दुरीमा छोरा रेहानको कङ्काल फेला परेको थियो । घटनाको ४ वर्षपछि जनिफलाई पक्राउ गरेको विज्ञप्तिमा उल्लेख छ ।

जनिफलाई दुर्गाभगवती गाउँपालिका पिपरा बजारमा लुकिछिपी बसेको अवस्थामा प्रहरीको टोलीले पक्राउ गरेको थियो । जनिफमाथि कर्तव्य ज्यान कसूर मुद्दा दायर गरी रौतहट जिल्ला अदालतबाट म्याद थप भएको छ ।

Published : Wednesday, 2024 November 27, 10:26 am