सभापति देउवाद्वारा बारामा विभिन्न दल परित्याग गरेका नेता, कार्यकर्तालाई कांग्रेसमा स्वागत

काठमाडौं । विभिन्न दल परित्याग गरेका बारा जिल्लाका स्थानीय नेताहरूलाई नेपाली कांग्रेसका सभापति शेरबहादुर देउवाले पार्टी प्रवेश गराएका छन् ।

बुधबार बुढानिलकण्ठस्थित निवासमा सभापति देउवाले एमाले, जसपा, लोसपा लगायतका दल परित्याग गरेका स्थानीय नेता कार्यकर्तालाई पार्टीमा स्वागत गरेको कांग्रेसका नेता डा.अबुल हुसैन अन्सारीले बताए । सभापति देउवाले कांग्रेसको संगठन निर्माण गर्न नवप्रवेशीहरूलाई निर्देशन दिएका छन् ।

बारा जिल्लाको विशनपुर नगरपालिकाका अमरलाल पालको नेतृत्वमा थुप्रै नेता कार्यकर्ता कांग्रेसमा प्रवेश गरेका हुन् । नवप्रवेशीहरूले कांग्रेसले मात्रै मुलुकको विकास गर्ने र जनताको समस्या बुझ्ने भन्दै संगठन निर्माणमा इमान्दारिताका साथ लाग्ने प्रतिवद्धता जनाएका छन् ।

Published : Wednesday, 2024 December 18, 11:20 am