हेल्थ केयरका सञ्चालक कीर्ते काण्डमा पक्राउ

काठमाडौं । प्रहरीले सरकारी कार्यालय तथा विभिन्न संघसस्थाको कागजपत्र तथा छाप किर्ने गर्ने एक जनालाई पक्राउ गरेको छ ।

महानगरीय अपराध अनुसन्धान महाशाखाबाट खटिएको टोलीले गत मंगलबार मकवानपुर हेटौँडा– १७ रातमाटे घर भएका २४ वर्षीय कवीर श्रेष्ठ भनिने उदय थिङलाई पक्राउ गरेको हो ।

श्रेष्ठको साथबाट प्रहरीले समाज कल्याण परिषद् लैनचौरको लेटर प्याड, उदय सिंह नाम गरेको व्यक्तिको नामको राष्ट्र संघको पर्यवेक्षक परिचयपत्र, परीक्षा नियन्त्रण कार्यालयको स्टाम्प लगायतका अन्य नक्कली कागजपत्र र छाप बरामत गरेको प्रहरीले जनाएको छ ।

पक्राउ परेका थिङ कोटेश्वरमा संचालित डाक्टर हेल्थकेयर नाम मेडिकल पसल संचालक हुन् ।

Published : Friday, 2018 March 2, 7:31 pm