काठमाडौं । गैर आवासीय नेपाली संघमा सिन्डिकेटको धेरै ठूलो प्रभाव परेको गुनासो बढिरहेका बेला त्यसको विरोध भएको छ । संघको अध्यक्षमा भवन भट्ट आएपछि सुधार हुने धेरैको अपेक्षा थियो । तर, संघभित्र सुधार भन्दा व्यक्ति सोँच हाबी भएपछि संघ टुक्रिने अवस्थामा पुगेको हो ।

संघभित्रको सिन्डिकेटकै निर्देशनमा विधि, विधान एवम् नियम कानीनलाई लत्याउदै जादा संघको भविष्य निकै अफ्ठ्यारोमा परेको छ । संघको स्थापनाको १५औँ वर्षको एनआरएन दिवस मनाउँदै गर्दा देखिएको गुट बन्दी र सिण्डिकेटको खुलेर बिरोध भएको छ ।

गैर आवासीय नेपाली संघले आरम्भ गरेका मेगा योजनाहरूमा भएको अनिमियता तथा भ्रष्ट्राचारले गर्दा संघको छवि बद्नाम भएको सदस्यहरूले नै बताउन थालेका छन् ।लाप्राक नमूना बस्तीमा भएको गैर कानूनी प्रक्रिया र केन्द्रीय भवनको तोडफोड तथा महानगरपालिकाले प्रदान गरेको स्वीकृती भन्दा बाहिर रहेर गरिएको निर्माणलाई समेत कानूनी चुनौती भएको एक सदस्यले बताए ।

संघको विधान अनुसार गैर आवासीय नेपाली संघको नेतृत्व गत वर्ष २०१७–२०१९ को कार्यकालका लागि गैर आवासीय नेपालीहरूले म्यान्डेट दिएका थिए । तर, गैर आवासीय नेपाली संघको नेतृत्वले कार्यकाल २ वर्षबाट ३ वर्ष बनाउन चलखेल गरेको आरोप साधारण सदस्यहरूले लगाएका छन् । संघको विधान विपरित कार्य अवधि १ वर्ष बढाउने खेलमा नेतृत्व लागि परेपछि चर्को बिरोध भैरहेको छ ।

गैर आवासीय नेपाली संघको बिधान गतिशील रहेकाले सधै परिवर्तनशील छ । तर, कुनै व्यक्तिलाई सिन्डिकेटले व्यवस्था गर्न परे मात्र संशोधन गर्ने प्रथाको अहिले विकास हुँदै आएको छ । १५ वर्षपछि बिधान बिपरित बिधान सभा बोलाउने काम नेतृत्वले गरेको आरोप छ । बिधान सभाबाट आफ्नो अनुकूल अनुसार बिधान संशोधन गरी आफ्ना व्यक्तिहरूलाई व्यस्थापन गर्ने प्रयासमा नेतृत्वको सिण्डिकेट जुटेको आरोप छ ।

विश्वका ७९ मुलुकमा रहने ५० लाख गैर आवासीय नेपालीहरूको भावनालाई वेवास्ता गर्दै संघभित्र सोँच आर्थिक प्रलोभनमा नेतृत्व डुबेको भन्दै आगामी दिनमा गैर आवासीय नेपाली संघको भविष्य अन्धकारमय भैसकेको जनाइएको छ । संघलाई बचाउन चाहने संघका अभिन्यताहरूले सिण्डिकेटबाट अलग गरी अगाडि बढने योजना बनाएको एक सदस्यले बताए ।

बिधान सभामा एकलौटी गरी नेतृत्व अगाडि बढेको खण्डमा गैर आवासीय नेपाली संघ तुरुन्त टुक्रिने सम्भावना देखिएको छ । संघका शीर्ष नेतृत्वको निरंकुशतावादी सोँचका कारण ठूलो असन्तुष्टि रहेको छ ।

सामाजिक संस्थालाई पनि सत्तापक्ष र प्रतिपक्षको जस्तो अबस्थामा नेतृत्वले पूर्वाग्रही राखेका कारण पनि समस्या आएको बताइएको छ । अहिलेको नेतृत्वका कारण गैर आवासीय नेपाली संघ टुक्रिन अवस्थामा पुगेको हो ।