एक किलो सुनले यी तीन भाईको तिहार बिथोलियो
काठमाडौं । महानगरीय प्रहरी अपराध महाशाखा टेकुले सस्तोमा एक किलो सुन दिने भनेर ठगी गर्न हिँडेको समूहका तीनजनालाई पक्राउ गरेको छ ।
बजार भाउभन्दा सस्तोमा प्रतिकिलो ३५ लाखमा सुन दिने भन्दै ठगी गर्न हिँडेको गिरोहका राजेन्द्र तामाङ, राजु लामा र राजकुमार तामाङलाई प्रहरीले सोमबार भक्तपुरबाट पक्राउ गरेको एसएसपी धिरजप्रताप सिंहले जानकारी दिए । राजेन्द्र धादिङ जिल्ला निवासी हुन् । राजु सिन्धुपाल्चोक र राजकुमार काभ्रे घर भएका व्यक्ति हुन् ।
गोप्य सूचनाका आधारमा भक्तपुरको चागुनारायण नगरपालिका वडा नं. ताथलीस्थित सडकमा सुन जस्तो देखिने नक्कली सुन बेकर हिँड्दै गरेका उनीहरूलाई प्रहरीले पक्राउ गरेको थियो ।
चाढ पर्वको बेला ठगीका घटना बढ्न सक्ने भन्दै काठमाडौं प्रहरी अपराध महाशाखाले विशेष अभियान चलाउँदै आएको छ । अभियान अन्तर्गत विभिन्न आपराधिक समूहलाई पक्राउ गरेर कारबाही अगाडि बढाएको छ ।
फेसबुकबाट तपाईको प्रतिक्रिया
बिचार/ब्लग
रविले क्लिन चिट पाउने प्रक्रिया बल्ल हिरासतबाट सुरु भयो
दिलनिशानी मगर
सरकारलाई कांग्रेसको ३४ बुँदे सुझाव तथा ध्यानाकर्षण
शेरबहादुर देउवा
यसमा तपाइको मत