चेल्सीले हाभर्टेजलाई ७२ मिलियन पाउण्ड दिने
लण्डन । इंग्लिस क्लब चेल्सी जर्मन क्लब बायर लिभरकुसनका फरवार्ड काई हाभर्टेजलाई अनुबन्ध गर्ने भएको छ ।
यसअघि नै उनी चेल्सीमा आउने भनिएपनि सम्झौतामा पुग्न सकेको थिएन ।
शुक्रबार हाभर्टेजले चेल्सीमा अनुबन्धित हुनका लागि जर्मन क्याम्प छाडेका छन् । उनी यतिबेला युईएफए नेसन्स लिग फुटबलका लागि जर्मनको राष्ट्रिय टोलीमा समावेश रहेका छन् ।
उनले चेल्सीसँगको सम्झौता प्रक्रिया पूरा गर्नका लागि जर्मनको राष्ट्रिय टोलीबाट विशेष अनुमति लिएका छन् ।
चेल्सीले हाभर्टेजलाई करिब ७२ मिलियन पाउन्ड तिर्ने सञ्चारमाध्यमहरूले जनाएका छन् । गत सिजनमा उनले बायर लिभरकुसेनका लागि १८ गोल गरेका थिए भने ९ वटा गोलका लागि अवसर सिर्जना गरेका थिए ।
उनलाई अनुबन्ध गर्नका लागि रियल मड्रिड र बायर्न म्युनिख पनि प्रतिस्पर्धामा थिए । तर चेल्सीले यो दौडमा सबैभन्दा अगाडि देखिएको हो ।
Published : Friday, 2020 September 4, 8:49 pm
बिचार/ब्लग
पीएल सिंहसँगको संस्मरण
पूर्वमन्त्री जयप्रकाशप्रसाद गुप्ता ‘आनन्द’
फेसबुकबाट तपाईको प्रतिक्रिया