कांग्रेस नेता बुढाको रोल्पामा शव भेटियो
![](https://i0.wp.com/www.republicadainik.com/wp-content/uploads/2020/09/Hatya-Crime-Murder-Jungal.jpg?resize=800%2C459&ssl=1)
रोल्पा । रोल्पा जिल्लामा नेपाली कांग्रेसका नेता ५६ वर्षीय पूर्णबहादुर बुढाको घाँटी काटिएको अवस्थामा शव फेला परेको छ ।
रोल्पा नगरपालिका–६ दार्बाेटका ५६ बुढाको शव आफ्नै घरमा घाँटी काटिएको अवस्थामा फेला परेको जिल्ला प्रहरी कार्यालय रोल्पाका प्रहरी नायब उपरीक्षक नरेशराज सुवेदीले जानकारी दिएका छन् ।
घरमा एक्लै रहेका बुढाको बिहान ११ बजेसम्म ढोका नखुलेपछि ढोका फोरेर हर्दा हत्या भएको अवस्थामा पाइएको सुवेदीले बताएका छन् । प्रहरीले घटनालाई शंकास्पद भनेको छ ।
घटना शङ्कास्पद भएकाले थप अनुसन्धानका लागि नेपालगञ्जबाट कुकुरसहितको टोली रोल्पा बोलाइएको छ ।
बुढा कांग्रेसको क्रियाशील सदस्य रहेको रोल्पा कांग्रेसका कार्यवाहक सभापति किशोरकुमार आचार्यले बताएका छन् ।
साउन २३ गते सम्पन्न नेपाली कांग्रेसको वडा अधिवेशनबाट बुढा क्षेत्रीय प्रतिनिधिमा छनोट भएका थिए ।
श्रीमतीको केही समयअघि मृत्यु भइसकेको र छोराछारीहरू वैदेशिक रोजगारीमा रहेकाले बुढा एक्लै बस्दै आएका थिए ।
बिचार/ब्लग
![](https://i0.wp.com/www.republicadainik.com/wp-content/uploads/2024/08/Sherbahadur-Deuba-5.jpg?resize=200%2C200&ssl=1)
सरकार ढल्छ भन्ने हल्ला चलेका बेला कांग्रेसको ९ निर्णय सार्वजनिक
श्यामकुमार घिमिरे, प्रमुख सचेतक, कांग्रेस![](https://i0.wp.com/www.republicadainik.com/wp-content/uploads/2025/01/Rabi-Mukul.jpg?resize=200%2C200&ssl=1)
फेसबुकबाट तपाईको प्रतिक्रिया