पेट्रोलियम पदार्थको मूल्य ह्वात्तै बढ्यो, ग्यासमा ७५ रुपिया वृद्धि
काठमाडौं । नेपाल आयल निगमले पेट्रोलियम पदार्थको मूल्य बढाएको छ ।
निगमले बुधबार साँझ विज्ञप्ति जारी गरेर पेट्रोल, डिजेल, मटितेल र खाना पकाउने ग्यासमा मूल्य बृद्धि गरेको जनाएको छ ।
पेट्रोल,डिजेल र मटितेलमा प्रतिलिटर तीन रुपियाँले वृद्धि भएको छ । खाना पकाउने ग्यासको मूल्य प्रतिसिलिन्डर ७५ रुपियाँले बढेको छ ।
ग्यास प्रतिसिलिन्डर १ हजार ५ सय ७५ रुपियाँ पुगेको छ ।
पेट्रोल प्रतिलिटर १३६ तथा डिजेल र मटितेल प्रतिलिटर मूल्य ११९ रुपियाँ भएको छ ।
निगमले आन्तरिकतर्फको हवाई इन्धन प्रतिलिटर ५ रुपियाँ बढाएको छ । अब हवाई इन्धन प्रतिलिटर १०१ रुपियाँ भएको छ ।
अन्तर्राष्ट्रिय हवाई इन्धनको मूल्य प्रतिकिलोलिटर ८९५ अमेरिकी डलर पुगेको छ ।
Published : Wednesday, 2021 November 10, 9:37 pm
बिचार/ब्लग
पीएल सिंहसँगको संस्मरण
पूर्वमन्त्री जयप्रकाशप्रसाद गुप्ता ‘आनन्द’
फेसबुकबाट तपाईको प्रतिक्रिया