काठमाडौं । बतास समूहका अध्यक्ष तथा प्रतिष्ठित व्यवसायी आनन्दराज बतासले मुलुकका वाणिज्य बैंकहरूले कमाइ गरे पनि कर्जा उठाउन नसकेकोप्रति गम्भीर प्रश्न उठाएका छन् ।

मुलुकमा २१ वटा वाणिज्य बैंकहरू छन् । ती बैंकहरूले ६ महिनामा ३१ अर्ब रुपियाँ कमाएको बतासले बताएका छन् । उनले बैंकहरूले कमाइ गरे पनि कर्जाको ठूलो रकम असुल्न बाँकी रहेकोमा चिन्ता जनाएका हुन् ।

अध्यक्ष बतासले भनेका छन्, ‘देशका २१ वाणिज्य बैंकले ६ महिनामा ३१ अर्ब १४ करोड रुपियाँ नाफा कमाएका छनभने १३ अर्बभन्दा धेरै कर्जा समयमै असुली नहुँदा/नउठ्दा १६ अर्ब प्रोभिजनिङ गरेको पाइएको छ ।’

‘कर्जा असुल हुन बाँकी ठूलो रकम हुनु भनेकै व्यापार व्यवसाय चौपट छभन्ने प्रमाण हैन र ?’, अध्यक्ष बतासले प्रश्न गर्दै गम्भीर समस्या उठाएका छन् ।

विगत दुई वर्षदेखि बैंकहरूले ठूलो रकमको कर्जा दिन सकिरहेका छैनन् । बैंकहरूको रकम सीमित व्यक्तिहरूले लिएर नतिरेका कारण मुलुकमा आर्थिक समस्या आएको आरोप लाग्र्दै आएको छ ।

बैंकहरूले तजविजका आधारमा आफू निकटका व्यापारीलाई कर्जा दिएको आरोप छ । सर्वसाधारणले बैंकबाट कर्जा नै पाउँदैनन् । पाइहाले पनि सानो रकम मात्रै पाउने गर्छन् ।

बैंकहरूले उद्देश्य र तोकिएको क्षेत्रमा लगानी नगरेका कारण बैंकहरू समस्या रहेको बताउने गरिन्छ ।