बक्सिङ संघको अध्यक्षमा राम चयन
काठमाडौं । नेपाल बक्सिङ संघको छैटौँ साधारणसभाबाट राम अवाले अध्यक्षमा निर्विरोध निर्वाचित भएका छन् ।
दक्षिण एसियाली खेलकुदअन्तर्गत बक्सिङका रजत पदक विजेता अवाले पोखरामा बुधबार भएको निर्वाचन प्रक्रियाअन्तर्गत निर्विरोध चयन भएका हुन् ।
अध्यक्षसँगै २० सदस्यीय केन्द्रीय कार्यसमिति पनि सर्वसम्मत चयन भएको छ ।
समितिको वरिष्ठ उपाध्यक्षमा अर्जुनबहादुर केसी, उपाध्यक्षमा भोजराज सिटौला, गणेशबहादुर भट्टराई, सविन भट्टचार्य, ओमनारायण श्रेष्ठ र रामबहादुर गिरी चयन भएका छन् ।
महासचिवमा मानबहादुर भण्डारी, सचिवमा पुष्करराज पन्त तथा कोषाध्यक्षमा गौतम सुजखु निर्विरोध निर्वाचित भएका छन् ।
सदस्यहरूमा गोविन्द डंगोल, रेशम पुन, मिलनध्वज राना, बमबहादुर स्याङतान, रेखा थापामगर, रमेश अधिकारी, दुर्गा गहतराज, लक्ष्मण कार्की, सञ्जयकुमार पासवान र समरजंगबहादुर चन्द चुनिएका छन् ।
Published : Friday, 2023 July 21, 12:36 am
बिचार/ब्लग
पीएल सिंहसँगको संस्मरण
पूर्वमन्त्री जयप्रकाशप्रसाद गुप्ता ‘आनन्द’
फेसबुकबाट तपाईको प्रतिक्रिया