दशगजा नजिकै भारततर्फ महिलालाई गोली प्रहार
काठमाडौं । धनुषाको मुखियापट्टि मुसहरनिया गाउँपालिका– २ स्थित दशगजा नजिक महिलाको गोली हानी हत्या भएको छ ।
मोटरसाइकलमा सवार दुईजना अपरिचित व्यक्तिले अन्दाजी ३५ वर्षीया महिलालाई शनिबार राति ८ः२० बजे दुई राउन्ड गोली प्रहार गरी भारततर्फ भागेको स्थानीय प्रत्यक्षदर्शीलाई उद्धृत गर्दै धनुषा प्रहरीले जनाएको छ ।
ती महिलाको पहिचान खुलेको छैन । ती महिला नेपाली हुन् कि भारतीय भन्ने पनि नखुलेको धनुषा प्रहरीले जनाएको छ ।
घटना दशगजा पारी भए पनि सीमा क्षेत्रमा भएकाले धनुषाका प्रहरी उपरीक्षक विश्वराज खड्कासहितको टोली घटनास्थल पुगेको थियो ।
भारतीय भूमिमा घटना भएकाले भारतीय प्रहरीले शव पोस्टमार्टमका लागि लगेको धनुषाका प्रहरी प्रमुख (एसपी) खड्काले बताएका छन् ।
नेपाल प्रहरी र भारतीय प्रहरीले समन्वय गरी घटनाको अनुसन्धान गरिरहेको छ । दशगजा क्षेत्रमा प्रहार भएका गोलीका खोका भेटिएका छन् ।
बिचार/ब्लग
मुकुलले हिरासतमा रहेका रविलाई सम्झिए
मुकुल ढकाल
वीपीलाई यसरी स्मरण गर्छन् कान्छाे छाेरा डा.शशांक कोइराला
डा.शशांक कोइराला, नेता, नेपाली कांग्रेस
फेसबुकबाट तपाईको प्रतिक्रिया