रञ्जन पाण्डेलाई सामाखुसीबाट पक्राउ

काठमाडौं । माल्टा पठाइदिन्छु भन्दै रकम ठगी गर्ने २९ वर्षीय रञ्जन पाण्डेलाई प्रहरीले पक्राउ गरेको छ ।

पाण्डेले माल्टा पठाइदिन्छु भन्दै रकम ठगी गरेको अभियोगमा उजुरी परेपछि प्रहरीले पक्राउ गरेको विज्ञप्तिमार्फत जनाएको छ ।

तनहुँको व्यास नगरपालिका–१२ वतन भई पाण्डे हाल काठमाडौंको थानकोट बस्दै आएका थिए । पाण्डेलाई काठमाडौं महानगरपालिका–२६ सामाखुसीबाट पक्राउ गरेको प्रहरीले जनाएको छ ।

पाण्डेले ४ जनालाई वैदेशिक रोजगारका लागि माल्टा पठाई फुड डेलिभरीमा १ लाख रुपियाँभन्दा बढी तलबमा काम लगाइदिन्छु भन्दै प्रलोभनमा पारेको पीडितहरूले जनाएका छन् ।

पाण्डेले पीडितहरूबाट पटक पटक गरी ६ लाख रूपियाँ लिई सम्पर्क बिहीन भएका थिए ।

पाण्डेलाई थप अनुसन्धान तथा कारवाहीका लागि वैदेशिक रोजगार विभाग ताहाचल काठमाडौं पठाइएको छ ।

Published : Wednesday, 2023 October 4, 7:46 pm