जुम्लाका शाही जावलाखेलबाट पक्राउ
काठमाडौं । माल्टा पठाइदिन्छु भन्दै रकम ठगी गर्ने ३३ वर्षीय धर्मेन्द्र शाहीलाई प्रहरीले पक्राउ गरेको छ ।
वैदेशिक रोजगारीको लागि माल्टा पठाइदिन्छु भन्दै ७ लाख ५ हजार रूपियाँ ठगी गरेको अभियोगमा जुम्लाको हिमा गाउँपालिका–५ घर भई हाल काठमाडौं महानगरपालिका–डल्लु बस्ने शाहीलाई बिहीबार दिउँसो प्रहरीले पक्राउ गरेको विज्ञप्तिमार्फत जनाएको छ ।
शाहीले २ जनालाई वैदेशिक रोजगारीको लागि माल्टा पठाइदिने भनेर रकम ठगी गरेका थिए ।
शाहीले प्रतिष्ठित होटलमा मासिक १ लाख १० हजार रूपियाँ तलबमा काम लगाइदिन्छु भन्दै प्रलोभनमा पारी पीडितबाट पटक पटक गरी रकम ठगी गरेको अभियोग लागेको छ ।
काठमाडौं उपत्यका अपराध अनुसन्धान कार्यालय मिनभवनबाट खटिएको प्रहरीले शाहीलाई ललितपुरको जावलाखेलबाट पक्राउ गरेको जनाएको छ ।
शाहीलाई थप अनुसन्धान तथा कारबाहीको लागि वैदेशिक रोजगार विभाग ताहाचल, काठमाडौं पठाइएको छ ।
बिचार/ब्लग
पीएल सिंहसँगको संस्मरण
पूर्वमन्त्री जयप्रकाशप्रसाद गुप्ता ‘आनन्द’
फेसबुकबाट तपाईको प्रतिक्रिया