इलामका धनबहादुरद्वारा झापामा ईन्द्रकुमारीको हत्या

दमक । झापा जिल्लामा आफ्नै श्रीमतीको हत्या गरेको अभियोगमा प्रहरीले ६० वर्षीय धनबहादुर बिश्वकर्मालाई पक्राउ गरेको छ ।

आफ्नै श्रीमती ६० वर्षीया ईन्द्रकुमारी बिश्वकर्माको हत्या गरेको अभियोगमा ईलामको माङसेबुङ गाउँपालिका–४ घर भई झापाको दमक नगरपालिका–२ बगर मखमली टोल बस्ने धनबहादुर बिश्वकर्मालाई शनिबार दिउँसो प्रहरीले पक्राउ गरेको विज्ञप्तिमार्फत जनाएको छ ।

सामान्य विवादको क्रममा धनबहादुरले धारिलो हतियार खुकुरी प्रहार गर्दा ईन्द्रकुमारीको घटनास्थलमा मृत्यु भएको थियो ।

हत्याको खबर प्राप्त हुनासाथ ईलाका प्रहरी कार्यालय दमक र प्रहरी चौकी बाघखोरबाट खटिएको प्रहरीले उनलाई पक्राउ गरेको हो ।

Published : Sunday, 2023 December 31, 6:11 pm