जोन्टा क्लव अफ पोखराको अध्यक्षमा रोजिना चयन
![](https://i0.wp.com/www.republicadainik.com/wp-content/uploads/2024/05/Zonta-club-4-Rojina.jpg?resize=810%2C409&ssl=1)
पोखरा । जोन्टा क्लव अफ पोखराको अध्यक्षमा रोजिना रञ्जित विजुक्छे चयन भएकी छिन् ।
क्लवको शुक्रबार भएको पाँचौं अधिवेशनले बिजुक्छेलाई अध्यक्षमा चयन गरेको हो । अध्यक्षमा निर्वाचित बिजुक्छे क्लवकी निवर्तमान उपाध्यक्ष हुन् ।
समितिको निवर्तमान अध्यक्ष मोनिका थापा हुन् । थापाले नयाँ अध्यक्ष बिजुक्छेलाई कार्यभार सुम्पेकी छिन् ।
क्लवको उपाध्यक्षमा नेलिसा ठकुरी केसी, सचिवमा सृजना कार्की भट्टराई र कोषाध्यक्षमा अनिता खड्का भट्टराई चयन भएका छन् ।
क्लवको कानूनी डाइरेक्टरमा बन्दना कार्की, अवार्ड एण्ड स्कलरसीप डाईरेक्टरमा साम्राज्ञी क्षेत्री, सेलेब्रेसन एण्ड फेलोसीप डाइरेक्टरमा सविता श्रेष्ठ, लिडरसीप र स्कील डेभलपमेन्ट डाइरेक्टरमा श्रीविद्या कायस्थ, पिआर एण्ड ग्रेटर भिजिबिलिटी डाइरेक्टरमा लीना गोशली, सर्भिस कमिटी डाइरेक्टर अञ्जना तझ्या, यूएन एण्ड क्लाईमेट चेञ्ज डाइरेक्टरमा निलिमा गुरुङ र जेड एण्ड गोल्डेन डाइरेक्टरमा पूजा केसी चयन भएका छन् ।
जोन्टा क्लब अफ पोखरा विश्वव्यापी जोन्टा इन्टरनेशनल अन्तर्गतकै क्लब हो । जुन १९१९ मा स्थापना भएको थियो ।
जोन्टा क्लबले महिलाहरूको हक र अधिकार र विभिन्न देशहरूमा आफ्ना शाखाहरू मार्फत महिला सशक्तिकरणका लागि पहल गर्दै आएको क्लबकी नवनिर्वाचित अध्यक्ष बिजुक्छेले बताइन् ।
पोखरामा पनि यो क्लबले महिला सशक्तिकरणका लागि विभिन्न तालिम, सचेतना कार्यक्रम, र समुदायमा विभिन्न गतिविधिहरू सञ्चालन गर्दै आएको छ ।
यसको उद्देश्य महिलाहरूलाई आत्मनिर्भर बनाउन, उनीहरूको क्षमता विकास गर्न, र समाजमा समान अधिकार सुनिश्चित गर्न मद्दत पु¥याउनु रहेको अध्यक्ष बिजुक्छले बताएकी छिन् ।
बिचार/ब्लग
![](https://i0.wp.com/www.republicadainik.com/wp-content/uploads/2024/08/Sherbahadur-Deuba-4.jpg?resize=200%2C200&ssl=1)
सभापति देउवाद्वारा मेलमिलाप आयोगको छलफलमा राखिएको मन्तव्य
शेरबहादुर देउवा, सभापति, नेपाली कांग्रेस![](https://i0.wp.com/www.republicadainik.com/wp-content/uploads/2024/08/Kulman-Ghisingh-1.jpg?resize=200%2C200&ssl=1)
कुलमान घिसिङलाई भविष्यमा जेलमा थुन्न परेको जाहेरीको व्यहोरा
रमेशप्रसाद खरेल![](https://i0.wp.com/www.republicadainik.com/wp-content/uploads/2024/08/Swornim-Ravi.jpg?resize=200%2C200&ssl=1)
फेसबुकबाट तपाईको प्रतिक्रिया