ज्वाइँद्वारा ससुराको हत्या

वीरगञ्ज । पर्सा जिल्लामा आफ्नै ससुराको हत्या गरेको अभियोगमा प्रहरीले ज्वाइँलाई पक्राउ गरेको छ ।

वीरगंज महानगरपालिका–७ रामटोल बस्ने ६५ वर्षीय सीताराम सर्राफको हत्या गरेको अभियोगमा उनकै ज्वाइँ सोही महानगरपालिका–१० प्रगति टोल डेरा गरी बस्ने बाराको कलैया उपमहानगरपालिका–१ राजदेवी टोल घर भएका ३१ वर्षीय साजन सर्राफलाई सोमबार दिउँसो प्रहरीले पक्राउ गरेको जनाएको छ ।

उनीहरूबीच झैझगडा एवम् कुटपिट हुँदा गम्भीर घाइते भएका सीतारामको नारायणी अस्पतालमा उपचारको क्रममा मृत्यु भएको थियो ।

हत्याको खबर प्राप्त हुनासाथ वडा प्रहरी कार्यालय विर्ताबाट खटिएको प्रहरीले उनलाई पक्राउ गरेको हो ।

Published : Monday, 2024 August 12, 5:31 pm