जन्मदिनको अवसरमा सभापति देउवालाई प्रधानमन्त्री ओलीको शुभकामना
काठमाडौं । नेपाली कांग्रेसका सभापति एवम् पूर्वप्रधानमन्त्री शेरबहादुर देउवाको जन्मदिनको अवसरमा प्रधानमन्त्री केपी ओलीले शुभकामना दिएका छन् ।
बिहीबार बालुवाटारमा प्रधानमन्त्री ओलीले सभापति देउवालाई जन्मदिनको शुभकामना दिएका हुन् ।
ओलीले भने, ‘आज पूर्व प्रधानमन्त्री, मेरा मित्र शेरबहादुर देउवाको जन्मदिन परेको छ । प्रमुख तीन दलका नेताहरूसँग समसामयिक राजनीतिक विषयमा कुरा पनि भयो ।’
‘आजको भेटमा शेरबहादुरजीलाई जन्मदिनको शुभकामना दिने अवसर मिल्यो’, ओलीले भने, ‘सुस्वास्थ्य, दीर्घायु र प्रगतिको कामना शेरबहादुरजी ।’
बालुवाटारमा प्रधानमन्त्री ओलीले संवैधानिक नियुक्तिका विषयमा छलफल गर्न सभापति देउवा र नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’लाई बोलाएका थिए । सोही क्रममा ओलीले देउवालाई जन्मदिनको शुभकामना दिएका हुन् ।
Published : Thursday, 2024 September 12, 3:02 pm
बिचार/ब्लग
पीएल सिंहसँगको संस्मरण
पूर्वमन्त्री जयप्रकाशप्रसाद गुप्ता ‘आनन्द’
फेसबुकबाट तपाईको प्रतिक्रिया