रामपुर प्रहरीद्वारा रम्भा रिसोर्टमा छापा, जुवातास खेलिरहेको समूह पक्राउ

रामपुर । पाल्पा जिल्लामा प्रहरीले जुवातास खेलिरहेको समूहलाई पक्राउ गरेको छ ।

रम्भा गाउँपालिका–१ असर्दीस्थित स्याङ्जाको गल्याङ नगरपालिका–११ दिमिक घर भएका २८ वर्षीय सागर भट्टराईको रम्भा रिसोर्टमा बुधबार राति छापामारेको विज्ञप्तिमा उल्लेख छ ।

इलाका प्रहरी कार्यालय रामपुरबाट ईन्स्पेक्टर रामबहादुर नेपालीको कमाण्डमा खटिएको प्रहरी टाेलीले रिसोर्टमा छापामारेको थियो ।

कौडा खेलिरहेको अवस्थामा रम्भा गाउँपालिका–१ सगाहा बस्ने ५६ वर्षीय बलबहादुर रानाभाट समेत ३ जनालाई बुधबार राति प्रहरीले पक्राउ गरेको विज्ञप्तिमा उल्लेख छ ।

प्रहरी चौकी हुँगी र इलाका प्रहरी कार्यालय रामपुरबाट खटिएको प्रहरीले उनीहरूलाई नगद ९२ हजार ५० रूपियाँ र १६ थान कौडासहित पक्राउ गरेको छ ।

Published : Thursday, 2024 October 31, 9:32 pm