काठमाडौं । गायक गोविन्दमधुर आचार्यले ‘झिलीमिली तिहार’ बोलको गीत र त्यसको भिडियो रिलिज गरेका छन् ।

दुई हप्ता अगाडि गायक आचार्यले तिहारलाई लक्षित गरेर गीतको म्युजिक भिडियो सार्वजनिक गरेका हुन् । निकै राम्रो लय, शब्द र संगीत रहेको तिहार गीतले सामाजिक सञ्जालमा राम्रो प्रतिक्रिया पाइरहेको छ ।

टिकटकमा गायक आचार्यको ‘झिलीमिली तिहार’ले राम्रो साथ पाएको छ । आचार्यको गीत टिकटकमा लोकप्रिय ट्रेण्डिङमा पनि परेको छ ।

आफ्नै युट्युब च्यानलमार्फत आचार्यले सार्वजनिक गरेको जनाएका छन् । गायक आचार्यले भनेका छन्, ‘सीमित स्रोत साधनका बावजुद दाङमा सुटिङ गरिएको तिहार गीत यहाँहरूको सामु लिएर आएका छौं । कस्तो लाग्छ हेरेर प्रतिक्रिया दिनुहोला । नेपालीहरूको रमाइलो चाड तिहारको हार्दिक मङ्गलमय शुभकामना व्यक्त गर्दछु धन्यवाद ।’

तिहार गीत ‘झिलीमिली तिहार’मा गायक आचार्यले आफ्नै शब्द र संगीत भरेका छन् । गायक आचार्यलाई गायिका पूर्णकला विसी र अस्मिता पुरीले स्वरमा साथ दिएकी छिन् ।