काठमाडौं । नेपाली कांग्रेसका सभापति एवम् पूर्वप्रधानमन्त्री शेरबहादुर देउवा कैलाली जाने भएका छन् ।

सभापति देउवा कात्तिक २५ गते कैलाली आउन लागेको नेपाली कांग्रेस कैलालीका सभापति नारायणदत्त भट्टले बताए । भट्टले भने, ‘सभापति शेरबहादुर देउवा कात्तिक २५ गते कैलाली आउन लाग्नुभएको छ । सभापतिज्यूको स्वागत र भेटघाटका लागि पार्टीका साथीहरूलाई सोहीअनुसार सूचना जारी गरेको छु ।’

सभापति देउवाले कैलालीमा पार्टीका नेता कार्यकर्ताहरूसँग देउवाले भेटघाट गर्नेछन् । कांग्रेसले शुरु गर्न लागेको १०० दिने अभियानका विषयमा पनि निर्देशन दिने कैलाली कांग्रेसका सभापति भट्टले बताए ।

कैलालीको कार्यक्रमपछि सभापति देउवा गृहजिल्ला डडेल्धुरा जाने कार्यक्रम छ । डडेल्धुरामा पार्टीका नेता कार्यकर्तासँग भेटघाटका साथै पार्टीको कार्यक्रमहरूमा पनि सहभागिता जनाउने कैलाली कांग्रेसका सभापति भट्टले बताए ।

सभापति देउवा गृहजिल्ला डडेल्धुरामा केही दिन बस्ने कार्यक्रम छ । लामो समयपछि सभापति देउवा डडेल्धुरा जान लागेका छन् ।