काठमाडौं । जिल्ला प्रहरी कार्यालय कास्कीले मानव बेचबिखन तथा ओसारपसार र जबरजस्ती करणी सम्बन्धी मुद्धामा ३ जना महिलालाई पक्राउ गरेको छ ।

मंसिर ६ गते राति ४ जना बालिकाहरूलाई पोखराको लेकसाईडमा रहेको स्नो ल्यण्ड होटलले सञ्चालन गरेको भिसा युथ होस्टल प्रा.लि.को कोठाहरूमा बाध्य तुल्याइ यौनशोषण गराएको प्रहरीले जनाएको छ । बालिकाहरूलाई राम्रो जागिर लगाइदिन्छु भनेर प्रलोभनमा पारेर यौनधन्दामा लगाएको प्रहरीले जनाएको छ ।

होस्टलमा प्रहरी टोलीले बालिकाहरूलाई उद्धार गरेको जनाएको छ । जबरजस्ती यौनशोषणमा लगाएको अभियोगमा प्रहरीले ३ महिलालाई पक्राउ गरेको छ ।

पक्राउ पर्नेहरूमा गोरखाको पालुङ गाउँपालिका ४ स्थायी घर भई हाल पोखराको लेकसाईड बस्ने १९ वर्षीया ममता तामाङ, मकवानपुरको बाग्मती गाउँपालिका ८ स्थायी घर भई हाल काठमाडौंको बुढानिलकण्ठ ७ कपन बस्ने वर्ष २३ की रिना तामाङ र नवलपुरको मध्यविन्दु नगरपालिका १० स्थायी घर भई हाल पोखराको लेकसाईड बस्ने वर्ष १९ की जस्मिन ठकुरी रहेको विज्ञप्तिमा उल्लेख छ ।