काठमाडौं : नेपाली कांग्रेसका नेता कृष्ण सिटौलाले कांग्रेसकै नेतृत्वमा तीनै तहका सरकारलाई जनताप्रति अधिकतम काम गर्ने अवस्था सिर्जना गर्न सक्नुपर्ने बताएका छन् । 

शुक्रबार काठमाडौंमा आयाेजित कार्यक्रममा सिटौलाले पार्टी र सरकारबीच समझदारी नहुँदा मुलुकमा धेरै दुर्घटना भएकाले अब पार्टी र सरकारबीचमा राम्रो समझदारी हुनुपर्छ भन्नेमा पार्टी स्पष्ट रहेको बताए ।

उनले वर्तमान सरकारलाई नीतिगत नेतृत्व कांग्रेसले नै दिनुपर्ने पनि बताए । सिटौलाले अहिले सरकारको नेतृत्व केपी ओलीले गरेपनि पहिलो पार्टी र विभिन्न परिवर्तनमा खेलेको भूमिकाका आधारमा कांग्रेसले नै सरकारलाई नीतिगत नेतृत्व दिनुपर्ने बताए ।

उनले संविधान कार्यान्वयनको गहन ढंगले समीक्षा गरेर मात्रै संशोधनको प्रक्रिया अघि बढाउनुपर्ने बताएका छन् । उनले आगामी निर्वाचनमा सबै वडादेखि तहसम्मको निर्वाचनमा जित हासिल गर्नेगरी अहिलेदेखि नै तयारी गर्न निर्देशन समेत दिए ।